ମରିଗଲା ମାନବିକତା !ଏକୁଟିଆ ନିଜ ସ୍ତ୍ରୀ ର ଶବକୁ ବୋହିଲା ସ୍ୱାମୀ

Udaya_Labanya | July 2, 2021 | 14 views |0 | Breaking News


କନ୍ଧମାଳ,୦୨/୦୭(ସଞ୍ଜୟ କୁମାର ପାଣିଗ୍ରାହୀ): ଏକୁଟିଆ ନିଜ ସ୍ତ୍ରୀ ର ଶବକୁ ବୋହିଲା ସ୍ୱାମୀ । ନିକଟରେ ଦେଖଣାହାରୀ ବହୁତ ଥିଲେ ମଧ୍ୟ କେହି ହେଲେ ସହାୟତା କଲେ ନାହିଁ । ଏଭଳି ଏକ ଅମାନବୀୟ ଦୃଶ୍ୟ ଦେଖିବାକୁ ମିଳିଛି, କନ୍ଧମାଳ ଜିଲ୍ଲା ସଦର ଫୁଲବାଣୀରେ ଥିବା ଜିଲ୍ଲା ମୁଖ୍ୟ ଚିକିତ୍ସାଳୟରେ । ଜଣେ ମହିଳାଙ୍କର ଚିକିତ୍ସାଧିନ ଅବସ୍ଥାରେ ଫୁଲବାଣୀ ଡାକ୍ତରଖାନାରେ ମହିଳା ଭେଷଜ ବିଭାଗରେ ମୃତ୍ୟୁ ହୋଇଥିଲା । ତାଙ୍କର ନିକଟରେ ତାଙ୍କ ସ୍ୱାମୀ ଏବଂ ତାଙ୍କର ନବଜାତ ଶିଶୁକୁ ଧରିଥିଲେ ବୟସ୍କ ବାପା । ତେବେ ମୃତ ମହିଳାଙ୍କ ଶବକୁ ଡାକ୍ତରଖାନାର ୱାର୍ଡରୁ ମହାପ୍ରୟାଣ ଗାଡିକୁ ନେବାପାଇଁ ତାଙ୍କର ସ୍ୱାମୀ ଥିଲେ । ତାଙ୍କର ଶବକୁ ଉପର ମହଲାରୁ ତଳକୁ ଆଣିବା ପାଇଁ କେହି ଜଣେ ମଧ୍ୟ ବ୍ୟକ୍ତି ସହାୟତା କରିନଥିଲେ । ଫଳରେ ସେ ଏକୁଟିଆ ନିଜ ସ୍ତ୍ରୀଙ୍କର ଶବକୁ ଉପର ମହଲାରୁ ତଳକୁ ବହୁତ କଷ୍ଟରେ ଆଣିଥିଲେ l ଶେଷରେ ସେହି ବ୍ୟକ୍ତି ଜଣକ ଏକୁଟିଆ ଶବକୁ ଆଣି ଷ୍ଟ୍ରେଚରରେ ରଖି ବହୁକଷ୍ଟରେ ମହାପ୍ରୟାଣ ଗାଡି ପାଖକୁ ନେଇଥିଲେ । ହେଲେ ଶବକୁ ଗାଡିରେ ରଖିବା ବେଳେ ମଧ୍ୟ ନିକଟରେ ଥିବା କୌଣସି ଲୋକ ତାଙ୍କୁ ସହାୟତା କରିନଥିଲେ । ଶେଷରେ ତାଙ୍କ ନବଜାତ ଶିଶୁକୁ ଧରିଥିବା ବାପା ବାଧ୍ୟହୋଇ ଶିଶୁକୁ ତଳେ ଶୁଆଇ ଶବକୁ ଗାଡି ଉପରକୁ ଟେକିବାରେ ସହାୟତା କରିଥିଲେ । ସତେ ଯେପରି ନିକଟରେ ଥିବା ମଣିଷ ମାନଙ୍କର ମାନବିକତା ମରି ଯାଇଥିଲା ଓ ଡାକ୍ତରଖାନାର କର୍ମଚାରୀମାନେ ଜଳଜଳ ହୋଇ ଏହି ଦୃଶ୍ୟକୁ ଦେଖୁଥିଲେ ବି କେହି ସହାୟତା କରିନଥିଲେ ।ଏହା ଆମ ସମାଜ ପାଇଁ ଏକ ନିନ୍ଦନୀୟ ଘଟଣା ବୋଲି ବୁଦ୍ଧିଜୀବୀ ମହଲରେ ଆଲୋଚନା ହେଉଛି l

Share this
  •  
  •  
  •  
  •  
  •  
  •  
  •  

Related Posts

କଟକରେ ଗାନ୍ଧୀ ଜୟନ୍ତୀ ଅନୁଷ୍ଠିତ

Udaya_Labanya | October 2, 2022 | 26 views |0

କଟକ (ଉଲାପ୍ର) ପବିତ୍ର ଗାନ୍ଧୀ ଜୟନ୍ତି ଅବସରରେ ଶିବସେନାର ପୂର୍ବତନ ଓଡ଼ିଶା ରାଜ୍ୟ ପ୍ରମୁଖ ସ୍ବର୍ଗତ ରାମବିଳାଶ ଶର୍ମା ସେବା ସ୍ମୃତି ସାଂସଦ ତରଫରୁ, ଜାତିର ପିତା ମହାତ୍ମା ଗାନ୍ଧୀଙ୍କ ଜନ୍ମ ଜୟନ୍ତୀ ରାଷ୍ଟ୍ର ଭାଷା ଠାରେ ଏକ ସ୍ମୃତି ସଭାର…

ଜିଲ୍ଲା ଲିଗାଲ ଏଡ ପକ୍ଷରୁ ସ୍ୱାସ୍ଥ୍ୟ ଶିବିର

Udaya_Labanya | October 1, 2022 | 8 views | 0

ଫୁଲବାଣୀ (ସୁନୀଲ ପଟନାୟକ )ଶନିବାର ଫୁଲବାଣୀ ବ୍ଳକ ର ସା୍ର୍ତା ଗୁଡା‌ ଠାରେ ଥିବା ‌ ଆଇ ଆଇ ସି ଭିଲେଜ ଵୃଦ୍ଧାଶ୍ରମ ରେ ଆଇନ୍ ସହାୟତା ପ୍ରାଧିକରଣ ତରଫରୁ ଏକ ଚକ୍ଷୁ ଚିକିତ୍ସା ଶିବିର ଓ ସ୍ୱାସ୍ଥ୍ୟ ଶିବିର ର…

Leave a Reply

Your email address will not be published. Required fields are marked *

Archives

Categories