ନକ୍ସଲ ପ୍ରବଣ ବାଲନ୍ଦାପଡା ରେ ବିଏସଏଫ ର ଜନସମ୍ପର୍କ ଶିବିର

ଫୁଲବାଣୀ (ସୁନୀଲ ପଟନାୟକ )
କନ୍ଧମାଳ ଜିଲ୍ଲା ଗୋଛାପଡା ଥାନା ଅନ୍ତର୍ଗତ ବାଲନ୍ଦାପଡା ପଞ୍ଚାୟତ ବଟିମୁଣ୍ଡା ଗ୍ରାମରେ ସୀମା ସୁରକ୍ଷା ବାହିନୀ ଦ୍ଵାରା ଗୁରୁବାର ଏକ ଜନ ସମ୍ପର୍କ ଶିବିର ଆୟୋଜନ କରାଯାଇଛି। ଜନ ସାଧାରଣଙ୍କୁ ସୁରକ୍ଷା ଯୋଗାଇଦେବା ସହ ସେମାନଙ୍କ ବିଶ୍ଵାସଭାଜନ ହେବା ପାଇଁ ଚେଷ୍ଟା କରାଯାଉଛି।। ଡେପୁଟି କମାଡାଣ୍ଟ ଶୁଖଦେବ ସିଂ ଗିଲ୍, ସହଯୋଗୀ କମାଣ୍ଡର ନବୀନ ରଣା, ଏଏସ ଆଇ(ଭିଜିଲାନ୍ସ) ସଞ୍ଜୟ କୁମାର ସିଂ, ଦୁଇ ଜଣ ପୋଲିସ କର୍ମଚାରୀ ଏବଂ ସ୍ଥାନୀୟ ସରପଞ୍ଚ(ବାଲନ୍ଦାପଡା) ଶ୍ରୀ ନିରାକାର ନାୟକ, ୱର୍ଡମେମ୍ବର(ବଟିମୁଣ୍ଡା) ପ୍ରମୁଖ ଉପସ୍ଥିତ ଥିଲେ। ଏହି ଜନ ସମ୍ପର୍କ ଶିବିର କାର୍ଯ୍ୟକ୍ରମ ରେ ଉକ୍ତ ଗ୍ରାମର ପ୍ରାୟ ୪୬ ଜଣ (ପୁରୁଷ), ୭୬ ଜଣ ମହିଳା ଙ୍କୁ ଏହି ଅବସରରେ ପୋଷାକ ପତ୍ର, ବାସନ ସାମଗ୍ରୀ ଏବଂ ଖେଳ ସାମଗ୍ରୀ ଆଦି ପ୍ରଦାନ ଯାଇଥିଲା। ସାଧାରଣ ନାଗରିକ ଙ୍କ ମଧ୍ୟରେ ସମନ୍ୱୟ ରକ୍ଷା କରି ଶାନ୍ତିର ଜୀବନ ଅତିବାହିତ କରିବା ପାଇଁ ସାଧାରଣ ଲୋକଙ୍କୁ ପ୍ରୋତ୍ସାହନ କରିବା ପାଇଁ ଏଭଳି ଶିବିରର ଆବଶ୍ୟକତା ରହିଛି ବୋଲି ମୁଖ୍ୟଅତିଥି ଡେପୁଟି କମାଣ୍ଡାଣ୍ଟ ଶ୍ରୀ ଗିଲ ମତବ୍ୟକ୍ତ କରିଥିଲେ l