ସମ୍ବଲପୁର/ନବରଙ୍ଗପୁର: ସମ୍ବଲପୁର ଜିଲାର କୁଚିଣ୍ଡା ଏନଏସି ନିର୍ବାହୀ ଅଧିକାରୀ ଏବଂ ନବରଙ୍ଗପୁର ଆଞ୍ଚଳିକ ପରିବହନ ଅଧିକାରୀ(ଆରଟିଓ)ଙ୍କ ଘରେ ଶୁକ୍ରବାର ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢ଼ାଉ କରାଯାଇଛି।କୁଚିଣ୍ଡା ଏନଏସି ନିର୍ବାହୀ ଅଧିକାରୀ ଜିତେନ୍ଦ୍ର ମହାପାତ୍ରଙ୍କ ଘରେ ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଇଛି। ଜିତେନ୍ଦ୍ରଙ୍କ ସମ୍ବଲପୁରରେ ଥିବା ୨ଟି ଘର ଏବଂ ଝାରସୁଗୁଡ଼ାରେ ଥିବା ୨ଟି ଘରେ ଏକକାଳୀନ ଏହି ଚଢ଼ାଉ ଚାଲିଛି। ସେହିପରି ନବରଙ୍ଗପୁର ଆରଟିଓ ଗଣେଶ୍ଵର କହଁର ଜଣେ ଯୁବକଙ୍କଠାରୁ ଲାଞ୍ଚ ନେଇଥିବା ଏବଂ ତାହାକୁ ଫେରାଇଦେବା ଲାଗି କହୁଥିବା ନେଇ ଏକ ଭିଡିଓ ଭାଇରାଲ ହୋଇଥିଲା। ଏହା ପରେ ଭିଜିଲାନ୍ସ ପକ୍ଷରୁ ତାଙ୍କ କାର୍ଯ୍ୟାଳୟ, ଘର ସମେତ ଅନ୍ୟାନ୍ୟ ସ୍ଥାନରେ ଚଢ଼ାଉ ଚାଲିଥିବା ଜଣାପଡ଼ିଛି।