ଫୁଲବାଣୀ(ସୁନୀଲପଟନାୟକ)
ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ଶାସକ ବିଜୁ ଜନତା ଦଳ ଯେପରି ସମସ୍ତ ୧୮ଟି ଯାକ ଜିଲ୍ଲାପରିଷଦ ଆସନରେ ବିଜୟ ଲାଭ କରି ଜିଲା ପରିଷଦ ଗଠନ କରିବ ଓ ୧୨ଟି ଯାକ ପଞ୍ଚାୟତ ସମିତିରେ ଅଧ୍ୟକ୍ଷ ଓ ଉପାଧକ୍ଷ୍ ।ପଦବୀ ଅକ୍ତିଆର କରିବ ସେ ନେଇ କନ୍ଧମାଳ ସାଂସଦ ଡଃ ଅଚ୍ୟୁତ ସାମନ୍ତ ଅଣ୍ଟାଭିଡ଼ିଛନ୍ତି। ଦିନରାତି ଏକ କରି ଭୋକ ଶୋଷ ଭୁଲି ଜିଲ୍ଲାର ଦୁର୍ଗମ ମାଓ ଇଲାକା ଠୁ ଆରମ୍ଭ କରି ସମସ୍ତ ଅଞ୍ଚଳ ବୁଲି କର୍ମୀ ଓ ନେତାଙ୍କୁ ବିଜୟ ମନ୍ତ୍ର ଫୁଙ୍କି ଛନ୍ତି । ନିଜର ପ୍ରତିବ୍ଳକ ଅଞ୍ଚଳରେ ଥିବା ସାଂସଦ ପ୍ରତିନିଧିମାନଙ୍କ ସହ ଆଲୋଚନା କରି ଦଳର ପ୍ରାର୍ଥୀମାନେ ଯେପରି ବହୁ ଭୋଟବ୍ୟବଧାନରେ ବିଜୟ ଲାଭ କରିବେ ସେଥିପାଇଁ କର୍ମୀମାନଙ୍କୁ ନେଇ ନିଷ୍ଠା ଓ ଆନ୍ତରିକତାର ସହିତ କାର୍ଯ୍ୟ କରିବାଲାଗି ପରାମର୍ଶ ଦେଇଥିଲେ । ନିଜ ନିଜ ଭିତରେ ଯଦି କିଛି ମତାନ୍ତର ବାମନାନ୍ତର ଥାଏ ସେ ସବୁକୁ ଭୁଲି ସମସ୍ତେ ମିଳି ମିଶି ଦଳ ପାଇଁ କାର୍ଯ୍ୟ କରିବା ଲାଗି କହିଥିଲେ ।
ମୁଖ୍ୟମନ୍ତ୍ରୀ ଓ ନବୀନ ସରକାରଙ୍କ ପ୍ରତି ଲୋକଙ୍କ ଅକୁଣ୍ଠ ସମର୍ଥନ ରହିଛି। ଲୋକେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ତାଙ୍କର ଜନ ହୀତ କର କାର୍ଯ୍ୟକୁ ଭଲ ପାଉଛନ୍ତି ଏଣୁ ବିଜେଡି ପ୍ରାର୍ଥୀମାନଙ୍କ ବିଜୟ ନିଶ୍ଚିତ ବୋଲି ସାଂସଦ ସାମନ୍ତ ଆଶାବ୍ୟକ୍ତ କରିଛନ୍ତି । କେବଳ କର୍ମୀ ଓ ପ୍ରାର୍ଥୀମାନେ ଭୋଟରମାନଙ୍କ ନିକଟରେ ପହଞ୍ଚିବା ଦରକାର ବୋଲି କହିଥିଲେ । ସାଂସଦ ଡ଼.ସାମନ୍ତଙ୍କ ନିର୍ବାଚନୀରଣକୌଶଳ, ଲୋକସଂପର୍କ’ ନିଷ୍ଠାପର ଉଦ୍ୟମ,କାର୍ଯ୍ୟଦକ୍ଷତା, ଉନ୍ନୟନମୂଳକ କାର୍ଯ୍ୟ କେବେ ମଧ୍ଯ ବ୍ଯର୍ଥ ଯିବନି ବୋଲି କର୍ମୀମାନେ କହିଛନ୍ତି । କର୍ମୀମାନେ ଦଳୀୟ ପ୍ରାର୍ଥୀଙ୍କୁ ଜିତାଇ ମୁଖ୍ୟମନ୍ତ୍ରୀଙ୍କ ହାତମୁଠାକୁ ଟାଣ କରିବେ ବୋଲି ପଣ କରିଛନ୍ତି କୁ ଆଡେ ।
ସେହିପରି ବିଜେପି ଓ କଂଗ୍ରେସ ନେତା ଓ କର୍ମୀମାନେ ମଧ୍ଯ ନିଜନିଜର ଦଳୀୟ ପ୍ରାର୍ଥୀଙ୍କୁ ଜିତାଇବା ଲାଗି ଯୋ ରଦାର ଉଦ୍ୟମ ଚଳାଇଛନ୍ତି।