ବାଲିଗୁଡା,୦୯/୦୪(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡାଉପଖଣ୍ଡ ଅନ୍ତର୍ଗତ କ. ନୂଆଗାଁ ବ୍ଳକର ମହାଶିଙ୍ଘି ଗ୍ରାମ ୫୯ନଂ ଜାତୀୟ ରାଜପଥରେ ଶୁକ୍ରବାର ଅପରାହ୍ନରେ ଏକ ସ୍କୁଟି ଦୃତଗତିରେ ଆସୁଥିବା ସମୟରେ ଭାରସାମ୍ୟ ହରାଇ ସ୍କୁଟି ଦୁର୍ଘଟଣା ଗ୍ରସ୍ତ ହୋଇଥିବା ଜଣାପଡିଛି।ସ୍କୁଟିନଂ.(ଓଆର -୧୨-ଏ -୭୪୮୦ ଗାଡିଟି ଦୃତଗତିରେ ଆସି ଓଲଟି ପଡିଥିଲା ।ଗାଡିରେ ବସିଥିବା ଦୁଇଜଣ ମଧ୍ୟରୁ ସାରଙ୍ଗଗଡର ଜଣେ ଓ ବାଲିଗୁଡା ଅଞ୍ଚଳର ଜଣେ ବୋଲି ଜଣାପଡିଥିବା ବେଳେ ସେମାନଙ୍କ ସଠିକ ପରିଚୟ ମିଳିପାରିନାହିଁ l ଦୁଇଜଣ ଗୁରୁତର ବ୍ୟକ୍ତିଙ୍କୁ ବାଲିଗୁଡା ମେଡିକାଲକୁ ନିଆଯାଇ ଚିକିତ୍ସା ବ୍ୟବସ୍ଥା କରାଯାଇଛି ।ଖବର ପାଇ ଘଟଣା ସ୍ଥଳରେ ବାଲିଗୁଡା ପୋଲିସ ପହଞ୍ଚି ସ୍କୁଟିକୁ ଥାନାକୁ ନେବା ସହିତ ତଦନ୍ତ ଅବ୍ୟାହତ ରଖିଥିବା ଜଣାପଡିଛି ।