ବରଗଡ଼ (ସତ୍ୟ ନାରାୟଣ ପ୍ରଧାନ)
ରକ୍ତ ଭଣ୍ଡାର ରେ ରକ୍ତ ଅଭାବ କୁ କିଛିକାଂଶ ରେ ଦୂର କରିବା ପାଇଁ ନିଷ୍ଠା ପରିବାର ର ପ୍ରୟାସ ଶ୍ରୀ ଶ୍ରୀ ହନୁମାନ ମନ୍ଦିର ର ଶୁଭ ପ୍ରତିଷ୍ଠା ମହୋତ୍ସବ ଅବସର ରେ ନିଷ୍ଠା ପରିବାର ଓ ହନୁମାନ ମନ୍ଦିର ପ୍ରତିଷ୍ଠା କମିଟି, ବରଗଡ଼ ବ୍ଲକ ଅନ୍ତର୍ଗତ ବିଶ୍ବାଳ ଟିକ୍ରା, ଖଣ୍ଡହତା,ବରଗଡ ଦ୍ବାରା ଏକ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା। ଏହି ଶିବିର କୁ ଶ୍ରୀ ପବିତ୍ର କର ଫିତାକାଟି ଉଦ୍ଘାଟନ କରିଥିଲେ ଓ ରକ୍ତଦାତାଂକୁ ଉତ୍ସାହିତ କରିଥିଲେ।ଏହି ଶିବିର ରେ ବରଗଡ ରକ୍ତ ଭଣ୍ଡାର ଦ୍ବାରା ମୋଟ ୩୨ୟୁନିଟ ରକ୍ତ ସଂଗୃହୀତ ହୋଇଥିଲା।ଶିବିର ପରିଚାଳନା ରେ ନିଷ୍ଠା ପରିବାର ର ଉପଦେଷ୍ଟା ପୂର୍ଣଚନ୍ଦ୍ର ତ୍ରିପାଠୀ ,ମନୋହର ସାହୁ,ସଭାପତି ରକ୍ଷପାଳ ସାହୁ,କୋଷାଧ୍ଯକ୍ଷ ଶ୍ୟାମସୁନ୍ଦର ସାହୁ, କ୍ଷୀରୋଦ୍ର ସାହୁ ଙ୍କ ସମେତ ମହିଳା ଶାଖାର ତ୍ରିପୁରା ସୁହୁଲା,ବିଶ୍ବାଲ ଟିକ୍ରା ର ସୌକିଲାଳ କର, ସାନନ୍ଦ ସାହୁ ,ଜିତେନ୍ଦ୍ର ତ୍ରିପାଠୀ ଓ ବିଶ୍ବାଲ ଟିକ୍ରା ର ଜନସାଧାରଣ ଏବଂ ନିଷ୍ଠା ର ସଦସ୍ୟ ମାନେ ସହଯୋଗ କରିଥିଲେ।ବିଶେଷ କରି ହନୁମାନ ମନ୍ଦିର ପରିଚାଳନା କମିଟି ର ସଦସ୍ୟ ମାନେ ସକ୍ରିୟ ଅଂଶ ଗ୍ରହଣ କରି ଶିବିର କୁ ସଫଳ କରିଥିଲେ।