ପ୍ରବାସୀ ଫେରନ୍ତାଙ୍କ ନଖରାମୀ; ସଙ୍ଗରୋଧ କେନ୍ଦ୍ର ଛାଡ଼ି ଶତାଧିକ ଫେରାର

admin | May 3, 2020 | 85 views |0 | Exclusive

ବ୍ରହ୍ମପୁର: ରାଜ୍ୟବାହାରୁ ଆସୁଥିବା ପ୍ରବାସୀମାନଙ୍କ ପାଇଁ ସଙ୍ଗରୋଧ ବାଧ୍ୟତାମୂଳକ । ସରକାରଙ୍କ ଏହି ସର୍ତ ଯିଏ ମାନିବ ତାକୁ ଓଡ଼ିଶା ଆସିବାକୁ ଅନୁମତି ମିଳିବ । ନିର୍ଧାରିତ ଫର୍ମରେ ଓଡ଼ିଶା ଫେରନ୍ତା ଆଶାୟୀମାନେ ଏହାକୁ ସମ୍ମତି ଦେଇଛନ୍ତି । ହେଲେ ଓଡ଼ିଶାରେ ପହଞ୍ଚିବା ପରେ କାଶିଆ କିଏ ନା କପିଳା କିଏ? ସରକାରୀ ନିୟମକୁ ଫୁ କରି ପ୍ରବାସୀ କ୍ବାରେଣ୍ଟାଇନ ସେଣ୍ଟର ଛାଡ଼ି ଫେରାର । ପୁଣି ଜଣେ ଅଧେ ନୁହନ୍ତି, ଗଞ୍ଜାମ ଜିଲା ବେଗୁନିଆପଡ଼ା ଆଦର୍ଶ ବିଦ୍ୟାଳୟ ଓ ଜନତା ଉଚ୍ଚ ବିଦ୍ୟାଳୟରେ ସଙ୍ଗରୋଧରେ ରହିଥିବା ପ୍ରାୟ ଶତାଧିକ ଶ୍ରମିକ କୁଆଡ଼େ ପଳାଇଛନ୍ତି । ସେମାନେ କୁଆଡ଼େ ଯାଇଛନ୍ତି, କାହିଁକି ଯାଇଛନ୍ତି କାହା ପାଖରେ ଉତ୍ତର ନାହିଁ । ସୁରତରୁ ଆସିଥିବା ଶ୍ରମିକଙ୍କ ମଧ୍ୟରୁ ୨ ଜଣ କରୋନା ସଂକ୍ରମିତ ଠାବ ହେବା ପରେ ଏହି ଶ୍ରମିକମାନେ ଫେରାର ହୋଇଯିବା ପୁଲିସ ଓ ପ୍ରଶାସନ ପାଇଁ ଶିରପୀଡ଼ାର କାରଣ ହୋଇଛି । କ୍ବାରେଣ୍ଟାଇନ ସେଣ୍ଟର ଛାଡ଼ି ଶ୍ରମିକ ପଳାଇଥିବା ଖବର ପାଇ ପୁଲିସ କିଛି ଶ୍ରମିକଙ୍କୁ କାବୁ କରିଥିବା ସୂଚନା ମିଳିଛି । ଅନ୍ୟମାନଙ୍କ ପତ୍ତା ଏଯାଏ ମିଳିନାହିଁ । ସେମାନଙ୍କ ମୋବାଇଲ ଟ୍ରାକିଂ କରି ସେମାନଙ୍କୁ ଧରିବା ଉଦ୍ୟମ କରାଯାଉଥିବା ବିଶ୍ବସ୍ତ ସୂତ୍ରରୁ ଖବର ମିଳିଛି ।ଗଞ୍ଜାମ ବେଗୁନିଆପଡା ଆଦର୍ଶ ବିଦ୍ୟାଳୟ ଏବଂ ଜନତା ଉଚ୍ଚ ବିଦ୍ୟାଳୟରେ ପ୍ରାୟ  ୧୫୦ଜଣ ସୁରତ ଫେରନ୍ତା ସଂଗରୋଧ ହୋଇ ରହିଥିଲେ । ମାତ୍ର ଆଜି ସେମାନଙ୍କ ମଧ୍ୟରୁ କିଛି ଲୋକ ବାହାରେ ବୁଲୁଥିବା ଦେଖି କିଛି ଗ୍ରାମବାସୀ ପୁଲିସକୁ ଖବର ଦେଇଥିଲେ । ସୂଚନା ପାଇ ପୁଲିସ ଓ ଦାୟିତ୍ବରେ ଥିବା ସରକାରୀ ଅଧିକାରୀମାନେ ପହଞ୍ଚିବା ବେଳକୁ କ୍ବାରେଣ୍ଟାଇନ ସେଣ୍ଟର ଖାଲି । ଏହାପରେ ପୁଲିସ ଓ ଅନ୍ୟ ଅଧିକାରୀମାନେ ପଳାଇଥିବା କିଛି ଲୋକଙ୍କୁ କାବୁକରି ପୁଣି କ୍ବାରେଣ୍ଟାଇନ ସେଣ୍ଟରକୁ ଫେରାଇ ଆଣିଛନ୍ତି । ଅନ୍ୟମାନଙ୍କୁ ଖୋଜାଖୋଜି ଚାଲିଛି  ।କ୍ବାରେନଣ୍ଟାଇନ ସେଣ୍ଟରରେ ଗତକାଲି ରାତିରେ ଖାଲି ବିସ୍କୁଟ ଦିଆଯାଇଥିଲା ଓ ଖାଇବା ପିଇବା କଥା ନ ବୁଝାଯିବା ଯୋଗୁଁ ସେମାନେ ପଳାଇଥିଲେ ବୋଲି କିଛି ଲୋକ କହିଛନ୍ତି । ଅନ୍ୟପକ୍ଷରେ କ୍ବାରେନଣ୍ଟାଇନରେ ଥିବା ଲୋକମାନଙ୍କୁ ସରକାରଙ୍କ ମାର୍ଗଦର୍ଶିକା ଅନୁସାରେ ଆବଶ୍ୟକୀୟ ସାମଗ୍ରୀ, ଖାଦ୍ୟ ପାନୀୟ ଦିଆଯାଉଥିବା ପ୍ରଶାସନ ପକ୍ଷରୁ କୁହାଯାଇଛି ।

Share this

Related Posts

ଆରତୀ ପାଇବ ଲାଭ ଲୋକେ ଭୋଗିବେ କଷ୍ଟ,…

Udaya_Labanya | July 28, 2023 | 28 views |0

ଆଠଗଡ ( ଉଲ୍ଲାପ୍ର )ଆଠଗଡ ରେ କମ୍ପାନୀ ହେଲେ ଲୋକେ ସୁବିଧା ପାଇବେ, ଏହି ଉଦେଶ୍ୟ ନେଇ ସରକାର ଜମି ଯୋଗାଇଦେଲେ ଆଉ ଆରତୀ ଷ୍ଟିଲ ପ୍ଲାଣ୍ଟ ପ୍ରତିଷ୍ଠା ହେଲା ଆଠଗଡ ର ଘଣ୍ଟିଖାଲ ଠାରେ, କମ୍ପାନୀ ମହାନଦୀରୁ ପାଣି ନେଲା,…

ଆଠଗଡ ରେ ଖୋଲିଲା ମ୍ୟାନ ଷ୍ଟୋର ର…

Udaya_Labanya | July 16, 2023 | 293 views | 0

ଆଠଗଡ ( ଉଲ୍ଲାପ୍ର )ଆଠଗଡ ରେ ମ୍ୟାନ ଷ୍ଟୋର ର ଏକ ନୂତନ ସୋ ରୂମ ଉଦଘାଟିତ ହୋଇଯାଇଛି, ଏହି ସୋରୁମ ଟିକୁ ଉଦଘାଟନ କରିଥିଲେ ବିଶିଷ୍ଟ କପଡା ବ୍ୟବସାୟୀ ତଥା ଏସ ସ୍କୋୟାର ପ୍ରାଇଭେଟ ଲିମିଟେଡ଼ ର ପରିଚାଳନା ନିର୍ଦେଶକ…

Leave a Reply

Your email address will not be published. Required fields are marked *

Archives

Categories