।

କଟକ(ଉଲାପ୍ର)କଟକର ପୁଅ ତଥା ବିଶ୍ୱର ଏକ ସୁନାମଧନ୍ୟ କ୍ରାନ୍ତିକାରୀ ନେତା ସୁଭାଷ ଚନ୍ଦ୍ର ବୋଷ ଙ୍କର ନାମରେ କଟକ ରେଳ ଷ୍ଟେସନକୁ ନାମିତ କରିବା , ପାଠ୍ୟକ୍ରମରେ ନେତାଜୀଙ୍କ ବିଷୟ ସାମିଲ କରିବା , ନେତାଜୀଙ୍କ ଜନ୍ମସ୍ଥାନକୁ ବିଶ୍ୱସ୍ତରୀୟ କରିବା ଓ ନେତାଜୀଙ୍କ ବିରାଟ ପ୍ରତିମୂର୍ତ୍ତି ସ୍ଥାପନ କରିବା ଦାବିରେ, ”ଏଇତ ଜୀବନ” ସାମାଜିକ ସଂଗଠନ ପକ୍ଷରୁ କଟକ ଜିଲ୍ଲାପାଳଙ୍କ ଜରିଆରେ ମହାମହିମ ରାଷ୍ଟ୍ରପତି ,ପ୍ରଧାନମନ୍ତ୍ରୀ ଓ ରାଜ୍ୟପାଳଙ୍କ ନିକଟକୁ ସ୍ମାରକପତ୍ର ପ୍ରଦାନ କରାଯାଇଛି।ଏଥିପାଇଁ ଏକ ସାଇକେଲ ଶୋଭାଯାତ୍ରାରେ ସଂଗଠନର ସଦସ୍ୟ ମାନେ କଟକ ଚଣ୍ଡୀ ମନ୍ଦିର ଠାରୁ ଆରମ୍ଭ କରି,କଲେଜ ଛକ ଓ ପରେ ନେତାଜୀଙ୍କ ଜନ୍ମସ୍ଥଳୀ ଦେଇ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ।ବାସୁଦେବ ବେହେରାଙ୍କ ନେତୃତ୍ୱରେ, ଏହି କାର୍ଯ୍ୟକ୍ରମ ସମୟରେ ପୂର୍ବତନ କର୍ପୋରେଟର ଅରୁଣ ସେଠୀ,ବ୍ୟୋମକେଶ କାନୁନଗୋ, ଜିତେନ୍ଦ୍ର ସାହୁ, ସଞ୍ଜିତ ସାମଲ,ପ୍ରହଲ୍ଲାଦ ମହାରଣା, ଶାଶ୍ୱତ ନାୟକ, ସୁରେଶ ସ୍ୱାଇଁ ଓ ବୁବୁ ସାହୁ ପ୍ରମୁଖ ଯୋଗଦେଇ ଥିଲେ ।ସାଇକେଲ ଯାତ୍ରା ଓ କାର୍ଯ୍ୟକ୍ରମକୁ ସଙ୍ଗଠନର ପ୍ରତିଷ୍ଟାତା ସଭାପତି ପ୍ରିୟବ୍ରତ ପଟ୍ଟନାୟକ ପରିଚାଳନା କରିଥିଲେ।ଯାହାକି ରାସ୍ତାରେ ଯିବା ଆସିବା କରୁଥିବା ଆଇନଜୀବୀ ଓ ସରକାରୀ ଅଫିସରେ କାମ କରୁଥିବା ଲୋକ ମାନଙ୍କୁ ଆଚମ୍ବିତ କରିଥିଲା । ସଭ୍ୟ ସମାଜ ପାଇଁ ଏହା ଏକ ଦୁର୍ଲଭ ଦୃଶ୍ୟ ଥିଲା।