ମେଥି ପତ୍ର ଭାବି ଗଞ୍ଜେଇ ପତ୍ରରେ ଆଳୁ ତରକାରୀ ଖାଇ ପରିବାର ଡାକ୍ତରଖାନା ରେ ।

admin | July 1, 2020 | 122 views |0 | Exclusive

ରେଢ଼ାଖୋଲ : ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିବା ଭଳି ଘଟଣା ସାମ୍ନାକୁ ଆସିଛି। ବଜାର ନିକଟ ଗୋଟିଏ ପରିବାରର ୬ ଜଣ ସଦସ୍ୟ ମେଥି ପତ୍ର ଭାବି କଞ୍ଚା ଗଞ୍ଜେଇ ପତ୍ରରେ ଖାଦ୍ୟ ରୋଷେଇ କରି ଏହାକୁ ଖାଇ ଦେଇଛନ୍ତି। ଖାଇବା ପରେ ପୂରା ପରିବାର ଅସୁସ୍ଥ ହୋଇ ପଡ଼ିଥିଲେ। ଏଥିପାଇଁ ସମସ୍ତ ୬ ଜଣ ସଦସ୍ୟଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ରବିବାର ଏହି ଘଟଣା ଘଟିଥିଲେ ହେଁ ଆଜି ସାମ୍ନାକୁ ଆସିଛି।ଉକ୍ତ ପରିବାରର ସଦସ୍ୟ ମନୋଜ କୁମାର କହିଛନ୍ତି, ସ୍ଥାନୀୟ ବ୍ୟବସାୟୀ ରମେଶ ଟୁଡୁ ମୋତେ ପଲିଥିନରେ ଭର୍ତ୍ତି କରି କିଛି ଜିନିଷ ଦେଇଥିଲେ। ସେ କହିଥିଲେ ଯେ ମୋ ବାପା ତାଙ୍କୁ ମେଥି ପତ୍ର ଦେବାକୁ କହିଛନ୍ତି। ସେ ପଲିଥିନ ଦେବାରୁ ମୁଁ ଏହାକୁ ନ ଖୋଲି ଘରକୁ ନେଇ ଆସିଥିଲି।ଜୁନ୍‌ ୨୭ରେ ଆମେ ଉକ୍ତ ପତ୍ରକୁ ମେଥି ଭାବି ଆଳୁ ତରକାରିରେ ପକାଇ ଦେଇଥିଲୁ। ଏହାପରେ ସମସ୍ତେ ଲଞ୍ଚ ମଧ୍ୟ କରିଥିଲୁ। ଖାଇବା ପରେ ପରିବାରର କିଛି ସଦସ୍ୟ ନିଶା ହେବା ପରି ଘାଲେଇ ଥିଲେ। ଏପରି କି କିଛି ସମୟରେ ପରେ ସମସ୍ତେ ଅଚେତ ମଧ୍ୟ ହୋଇ ଯାଇଥିଲେ। ପଡ଼ୋଶୀମାନେ ସମସ୍ତଙ୍କୁ ହସ୍ପିଟାଲ ନେଇଥିଲେ ବୋଲି ସେ କହିଛନ୍ତି।ବୁର୍ଲା ଡ଼ାକ୍ତରଖାନା ପକ୍ଷରୁ କୁହାଯାଇଛି ଯେ ୬ ଜଣ ସଦସ୍ୟ ମେଡିକାଲ ଆସିବା ବେଳେ ସେମାନଙ୍କର ଚେତା ନଥିଲା। ହେଲେ ଏବେ ସମସ୍ତଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି।ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଟୁଡୁ କୌଣସି କ୍ଷତି କରିବା ଉଦ୍ଦେଶ୍ୟରେ ଏଭଳି କରି ନଥିଲେ। ବରଂ ଥଟ୍ଟା ମଜାରେ ଏମିତି ଗଞ୍ଜେଇ ପତ୍ରକୁ ମେଥି କହି ଦେଇଥିଲେ। ପୁଲିସ୍‌ ଟୁଡୁଙ୍କୁ କଟକ ରଖିବା ସହ ଗଞ୍ଜେଇ ପତ୍ର ଭର୍ତ୍ତି ପଲିଥିନକୁ ଜବତ କରିଛି।

Share this
  •  
  •  
  •  
  •  
  •  
  •  
  •  

Related Posts

ବଡମ୍ବା ବ୍ଲକ ପରିସରରେ ଛଅ ଦଫା ଦାବି…

Udaya_Labanya | October 5, 2020 | 125 views | 0

. ବଡମ୍ବା(ଉଲାପ୍ର) ବଡମ୍ବା ବ୍ଲକ ପରିସରରେ ସାମାଜିକ କର୍ମୀ ଚିନ୍ମୟ ପଟ୍ଟନାୟକଙ୍କ ନେତୃତ୍ୱରେ ଛଅ ଦଫା ଦାବିନେଇ ଗଣଧାରଣା ଆରମ୍ଭ କରାଯାଇଛି. ଏଥିରେ ବଡମ୍ବା ବ୍ଲକର ଶତାଧିକ ବ୍ୟକ୍ତି ଯୋଗଦାନ କରିଛନ୍ତି, ଗଣଧାରଣାକୁ ବଡମ୍ବା ବ୍ଲକର ଯୁବ କଂଗ୍ରେସ ର କର୍ମକର୍ତ୍ତା…

Leave a Reply

Your email address will not be published. Required fields are marked *

Archives

Categories