Indian Skimmer ବା ପାଣିଚିରି ପକ୍ଷୀ ସମ୍ବନ୍ଧୀୟ ସୂଚନା
Indian Skimmer ବା ପାଣିଚିରି ପକ୍ଷୀ ଏକ ବିରଳ ପ୍ରଜାତିର ପକ୍ଷୀ ଯାହାର ବର୍ତ୍ତମାନର ସଂରକ୍ଷଣ ସ୍ଥିତି ସଂକଟାପନ୍ନ ବା Endangered. ସମଗ୍ର ବିଶ୍ଵରେ ଏହାର ସଂଖ୍ୟା ମାତ୍ର ୪୦୦୦ରେ ସୀମିତ । ଆମର ସୌଭାଗ୍ୟର ବିଷୟ ଯେ ଏହି ପକ୍ଷୀ ଆମର ଆଠଗଡ ବନଖଣ୍ଡର କଖଡି ଗ୍ରାମ ନିକଟସ୍ଥ ମହାନଦୀ ପଠାରେ ୧୬୫ ଗୋଟି ଦେଖା ଯାଇ ଅଛନ୍ତି ।ନଦୀ ଅବବାହିକାରେ ଥିବା ବାଲିଚର ଏମାନଙ୍କର ବିଚରଣ ଓ ପ୍ରଜନନ ପାଇଁ ଉପଯୁକ୍ତ ସ୍ଥାନ ଅଟେ ଏଣୁ ଏହି ସ୍ଥାନକୁ ଅଣ୍ଡା ଦେବା ପାଇଁ ଉପଯୁକ୍ତ ମନେ କରି, ଏହି ବର୍ଷ ୮୨ଟି ଅଣ୍ଡା ଦେଇଛନ୍ତି ଏବଂ ଅଣ୍ଡା ଦେବା ପ୍ରକ୍ରିୟା ଚାଲୁ ରହିଅଛି । ବର୍ତ୍ତମାନ ସୁଦ୍ଧା ଅଣ୍ଡାରୁ ୩୫ ଟି ଛୁଆ ଫୁଟିଛନ୍ତି ଓ ଆଗାମୀ ଦିନରେ ଏହାର ସଂଖ୍ୟା ବୃଦ୍ଧି ପାଇବ ।
ଏହି ପକ୍ଷୀର ସୁରକ୍ଷା ପାଇଁ ବନ ବିଭାଗ ତରଫରୁ ୨୪ ଘଣ୍ଟିଆ ସୁରକ୍ଷା ବ୍ୟବସ୍ଥା କରା ଯାଉଅଛି। ଯେଉଁଥିରେ ସ୍ଥାନୀୟ ବାସିନ୍ଦା, ବନ ବିଭାଗ କର୍ମଚାରୀଙ୍କ ସହ ମିଳିତ ଭାବେ କାର୍ଯ କରୁଛନ୍ତି । ବନବିଭାଗ ତରଫରୁ ବିଦ୍ୟାଳୟ ଛାତ୍ରଛାତ୍ରୀ, ସ୍ଥାନୀୟ ଗ୍ରାମବାସୀ ଏବଂ ବିଶେଷତଃ ମତ୍ସ୍ୟଜୀବୀ ସମୁଦାୟଙ୍କୁ ନେଇ ସଚେତନତା କାର୍ଯକ୍ରମ କରାଯାଉଅଛି । ସମସ୍ତଙ୍କ ସହଯୋଗରେ ପାଣିଚିରି ପକ୍ଷୀକୁ ସୁରକ୍ଷା କରି ଏହାର ବଂଶ ବୃଦ୍ଧି ଘଟିଲେ, ଏହି ବିଲୁପ୍ତପ୍ରାୟ ପକ୍ଷୀର ବଂଶ ବୃଦ୍ଧି ସହିତ ସଂରକ୍ଷଣ ହୋଇପାରିବ।