କୋଭିଡ୍‌ କେୟାର ସେଣ୍ଟର ଛାଡ଼ି ରାସ୍ତାରେ ବସିଲେ ୧୦୦ କରୋନା ରୋଗୀ

Udaya_Labanya | July 17, 2020 | 190 views |0 | National , Politics

ଗୌହାଟି: ( ଉ ଲା ପ୍ର ) ସାରା ଦେଶରେ ମହାମାରୀ କରୋନା ଦିନକୁ ଦିନ ଏହାର କାୟା ବିସ୍ତାର କରି ଚାଲିଛି। କରୋନା ସଂକ୍ରମଣକୁ ରୋକିବା ପାଇଁ ସରକାର ଅନେକ ପଦକ୍ଷେପ, କଟକଣା ଲାଗୁ କରିଛନ୍ତି। ହେଲେ ଲୋକମାନେ ଏହାକୁ ଠିକ୍‌ ଭାବେ ମାନୁ ନଥିବା ନେଇ ଅନେକ ଘଟଣା ନଜର ଆସିଛି। ଏବେ ଏମିତି ଏକ ଘଟଣା ସାମ୍ନାକୁ ଆସିଛି, ଯାହାକୁ ନେଇ ଚର୍ଚ୍ଚା। କୋଭିଡ୍‌ କେୟାର ସେଣ୍ଟରରୁ ପଳାଇ ଆସିପାଖାପାଖି ୧୦୦ ଜଣ କରୋନା ରୋଗୀ NH ଅବରୋଧ‌ କରିଥିଲେ। ଗୁରୁବାର ଆସାମର କାମ୍ରୁପ୍‌ ଜିଲ୍ଲାରେ ଏଭଳି କିଛି ଦୃଶ୍ୟ ଦେଖିବାକୁ ମିଳିଥିଲା।

କୋଭିଡ୍‌ କେୟାର ସେଣ୍ଟରରେ ଠିକ୍‌ ଭାବେ ଖାଦ୍ୟ ଓ ପାନୀୟ ମିଳୁନଥିବା ଅଭିଯୋଗରେ ଏହି ରୋଗୀମାନେ କୋଭିଡ୍‌ କେୟାର ସେଣ୍ଟରରୁ ପଳାଇ ଆସି NH 31 ଅବରୋଧ କରିଥିଲେ। ଖବରପାଇ କାମ୍ରୁପ୍‌ ଡେପୁଟି କମିଶନର କୈଳାଶ କାର୍ତ୍ତିକ ଓ ଅନ୍ୟ ପୁଲିସ୍‌ କର୍ମୀମାନେ ଘଟଣାସ୍ଥଳରେ ପହଞ୍ଚିଥିଲେ। ସେମାନଙ୍କୁ ବୁଝାସୁଝା କରିବା ସହ କୋଭିଡ୍‌ କେୟାର ସେଣ୍ଟର ଫେରି ଯିବାପାଇଁ  କହିଥିଲେ। ପରେ ପ୍ରତିଶ୍ରୁତି ମିଳିବା ପରେ ରାସ୍ତା ଅବରୋଧ ହଟିଥିଲା।

ସେମାନଙ୍କର ଅଭିଯୋଗ ଥିଲା ଯେ, କୋଭିଡ୍‌ କେୟାର ସେଣ୍ଟରରେ ସେମାନଙ୍କୁ ଠିକ୍‌ ଭାବେ ଖାଦ୍ୟ ଓ ପାନୀୟ ଦିଆଯାଉ ନାହିଁ। ଏପରିକି ସେଣ୍ଟରରେ ଥିବା ବେଡ୍‌ର ଅବସ୍ଥା ମଧ୍ୟ ଅତ୍ୟନ୍ତ ଖରାପ। ଖାଲ ଏତିକି ନୁହେଁ ଗୋଟିଏ ରୁମ୍‌ରେ ୧୦-୧୨ଜଣଙ୍କୁ ରଖାଯାଉଛି।

ଅନ୍ୟପକ୍ଷରେ, ଏହି ଘଟଣାକୁ ନେଇ ଆସାମ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ହିମନ୍ତ ବିଶ୍ୱ ଶର୍ମା କହିଛନ୍ତି, ଯଦି ରୋଗୀମାନେ କୋଭିଡ୍‌ କେୟାର ସେଣ୍ଟରରେ ଉପଲ୍ଲବ୍ଧ ସୁବିଧାକୁ ନେଇ ସନ୍ତୁଷ୍ଟ ନାହାନ୍ତି, ତା’ହେଲେ ସେମାନେ ହୋମ୍‌ କ୍ୱାରେଣ୍ଟିନ୍‌ରେ ରହିପାରିବେ।

Share this
  •  
  •  
  •  
  •  
  •  
  •  
  •  

Related Posts

ସହିଦ ସଞ୍ଜୟଙ୍କ ଶେଷକୃତ୍ୟ ସଂପନ୍ନ ଝୁରୁଛି ଗାଁ…

Udaya_Labanya | June 15, 2021 | 109 views |0

ଫୁଲବାଣୀ- (ସୁନୀଲ ପଟନାୟକ)କନ୍ଧମାଳ ଜିଲ୍ଲାର ରାଇକିଆ ବ୍ଳକର ବାରା ଗାମା ଗ୍ରାମରେ ଆଜି ସହିଦ ସଜଂୟ ଙ୍କ ପ୍ରାର୍ଥୀ ବ ଶରୀର ପହଞ୍ଚିବା ପରେ କାନ୍ଦବୋବାଳି ରେ ଗାଁ ଦାଣ୍ଡ ଫାଟି ପଡିଥିଲା। ସମସ୍ତଙ୍କ ଆଖିରେ ଲୁହ । ସଂଜୟ ବିହାରରେଜି…

ମମତା ବାନାର୍ଜୀ ତୃତୀୟ ଥର ପାଇଁ ମୁଖ୍ୟମନ୍ତ୍ରୀ…

Udaya_Labanya | May 5, 2021 | 142 views | 0

ଭୁବନେଶ୍ୱର(ଲଲାଟେନ୍ଦୁ ସେନାପତି)ପଶ୍ଚିମବଙ୍ଗ ର ମୁଖ୍ୟମନ୍ତ୍ରୀ ଭାବେ ମମତା ବାନାର୍ଜୀ ଆଜି ତୃତୀୟଥର ପାଇଁ ରାଜଭବନରେ ଶପଥ ନେଇଛନ୍ତି, ଏହି ସପଥପାଠ ଉତ୍ସବରେ କେବଳ ମୁଖ୍ୟମନ୍ତ୍ରୀ ମମତା ବାନାର୍ଜୀ ଙ୍କୁ ଛାଡିଦେଲେ ଅନ୍ୟ କୌଣସି ମନ୍ତ୍ରୀ ଶପଥ ନେଇ ନାହାଁନ୍ତି, ସମ୍ପୂର୍ଣ କୋଭିଡ…

Leave a Reply

Your email address will not be published. Required fields are marked *

Archives

Categories