‘ ଦୁନିଆର କୌଣସି ଶକ୍ତି ଭାରତର ଇଞ୍ଚେ ବି ଜମି ଛୁଇଁ ପାରିବେନି’

Udaya_Labanya | July 17, 2020 | 198 views |0 | National , Politics

ଶ୍ରୀନଗର: ( ଉ ଲା ପ୍ର) ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ୨ ଦିନିଆ ଗସ୍ତରେ ଯାଇ ଆଜି ଲେହରେ ପହଞ୍ଚିଛନ୍ତି। ସେଠାରେ ଭାରତୀୟ ସେନାର ଯାବାନମାନଙ୍କୁ ସମ୍ବୋଧିତ କରି ଯବାନଙ୍କ ମନୋବଳ ବଢାଇବା ସହ ଚୀନ୍‌କୁ ଦୃଢ ବାର୍ତ୍ତା ଦେଇଛନ୍ତି। ଲେହର ଲୁକୁଙ୍ଗ ଆଉଟପୋଷ୍ଟରେ ସୈନିକଙ୍କୁ ସମ୍ବୋଧିତ କରୁଥିବାବେଳେ ପ୍ରତିରକ୍ଷା ମନ୍ତ୍ରୀ ସ୍ପଷ୍ଟ ଭାବରେ କହିଛନ୍ତି ଦୁନିଆର କୌଣସି ଶକ୍ତି ଭାରତର ଏକ ଇଞ୍ଚ ଜମି ମଧ୍ୟ ଛୁଇଁ ପାରିବ ନାହିଁ।ପ୍ରତିରକ୍ଷା ମନ୍ତ୍ରୀ ତାଙ୍କ ସମ୍ବୋଧନରେ କହିଛନ୍ତି ଯେ ଯଦି ଭାରତର ଆତ୍ମ ସମ୍ମାନକୁ କ୍ଷତି ପହଞ୍ଚାଇବାକୁ ଚେଷ୍ଟା କରାଯାଏ, ତେବେ ଆମେ ଏହାକୁ ବରଦାସ୍ତ କରିବୁ ନାହିଁ । ଏହାର ଉଚିତ ଉତ୍ତର ଦିଆଯିବ। ଲଦାଖର ଲୁକୁଙ୍ଗ ଆଉଟପୋଷ୍ଟରେ ଭାରତୀୟ ସେନାର ଯବାନମାନଙ୍କୁ ସମ୍ବୋଧିତ କରିବାବେଳେ ରାଜନାଥ ସିଂ କହିଛନ୍ତି, ଆଲୋଚନାରେ ଏପର୍ଯ୍ୟନ୍ତ ଅଗ୍ରଗତି ସକରାତ୍ମକ ରହିଛି। ଏହି ସମସ୍ୟାର ସମାଧାନ ହେବା ଉଚିତ୍। କିନ୍ତୁ କେତେ ପରିମାଣରେ ଏହାର ସମାଧାନ ହେବ, ସେ ବାବଦରେ କୌଣସି ଗ୍ୟାରେଣ୍ଟି ଦେଇ ପାରିବି ନାହିଁ।

ପ୍ରତିରକ୍ଷା ମନ୍ତ୍ରୀ ତାଙ୍କ ସମ୍ବୋଧନରେ କହିଛନ୍ତି ଯେ ଯଦି ଭାରତର ଆତ୍ମ ସମ୍ମାନକୁ କ୍ଷତି ପହଞ୍ଚାଇବାକୁ ଚେଷ୍ଟା କରାଯାଏ, ତେବେ ଆମେ ଏହାକୁ ବରଦାସ୍ତ କରିବୁ ନାହିଁ । ଏହାର ଉଚିତ ଉତ୍ତର ଦିଆଯିବ। ଲଦାଖର ଲୁକୁଙ୍ଗ ଆଉଟପୋଷ୍ଟରେ ଭାରତୀୟ ସେନାର ଯବାନମାନଙ୍କୁ ସମ୍ବୋଧିତ କରିବାବେଳେ ରାଜନାଥ ସିଂ କହିଛନ୍ତି, ଆଲୋଚନାରେ ଏପର୍ଯ୍ୟନ୍ତ ଅଗ୍ରଗତି ସକରାତ୍ମକ ରହିଛି। ଏହି ସମସ୍ୟାର ସମାଧାନ ହେବା ଉଚିତ୍। କିନ୍ତୁ କେତେ ପରିମାଣରେ ଏହାର ସମାଧାନ ହେବ, ସେ ବାବଦରେ କୌଣସି ଗ୍ୟାରେଣ୍ଟି ଦେଇ ପାରିବି ନାହିଁ।

ରାଜନାଥ ଆହୁରି କହିଛନ୍ତି, ମୁଁ ନିଶ୍ଚିତ କରିବାକୁ ଚାହେଁ ଯେ ଭାରତର ଏକ ଇଞ୍ଚ ଜମି ମଧ୍ୟ ପୃଥିବୀର କୌଣସି ଶକ୍ତି ଛୁଇଁ ପାରିବ ନାହିଁ, କେହି ଏହାକୁ ଦଖଲ କରିପାରିବେ ନାହିଁ। ଏହାପୂର୍ବରୁ ରାଜନାଥ ସିଂ ଯବାନମାନଙ୍କୁ ସମ୍ବୋଧିତ କରିବାବେଳେ କହିଥିଲେ ଯେ ଆମେ ଅଶାନ୍ତି ଚାହୁଁ ନାହୁଁ, ଆମେ ଶାନ୍ତି ଚାହୁଁ।  କୌଣସି ଦେଶର ଆତ୍ମ ସମ୍ମାନକୁ ଆଘାତ କରିବାକୁ ଚେଷ୍ଟା କରିନାହୁଁ। ଯଦି କେହି ଭାରତର ଆତ୍ମ ସମ୍ମାନକୁ କ୍ଷତି ପହଞ୍ଚାଇବାକୁ ଚେଷ୍ଟା କରେ, ତେବେ ଆମେ ବରଦାସ୍ତ କରିବୁ ନାହିଁ । ଉପଯୁକ୍ତ ଉତ୍ତର ଦେବୁ ।

ଆମେ ଭାରତୀୟ ସେନା ପାଇଁ ଗର୍ବିତ। ସେନା ଗହଣରେ ରହି ଥିବାରୁ ମୁଁ ଗର୍ବିତ। ଆମର ଯବାନମାନେ ଶହୀଦ ହୋଇଛନ୍ତି। ୧୩୦ କୋଟି ଭାରତୀୟଙ୍କୁ ଏହା ଦୁଃଖ ଦେଇଛି । ଭାରତର ନେତୃତ୍ୱ ଶକ୍ତିଶାଳୀ । ଆମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରି ଜଣେ ପ୍ରଧାନମନ୍ତ୍ରୀ ପାଇଛୁ ଯିଏ ହେଉଛନ୍ତି ଜଣେ ନିଷ୍ପତ୍ତି ନେଇ ପାରୁଥିବା ପ୍ରଧାନମନ୍ତ୍ରୀ।

ଏହି ଅବସରରେ ସେ ଯବାନମାନଙ୍କ ସହ ଆଲୋଚନା କରିଥିଲେ। ଏପରିକି ତାଙ୍କ ସହ ମିଶି ମିଠା ଖାଇଥିଲେ । ଆଜି ସ୍ଥଳ ସେନା ମୁଖ୍ୟ ଜେନେରାଲ ଏମ.ଏମ. ନରୱାଣେ ଓ ସିଡିଏସ୍ ବିପିନ୍ ରାୱତଙ୍କ ସହ ଲଦାଖ ଅଂଚଳ ପରିଦର୍ଶନ କରିବାସହ ସେନାର ପ୍ରସ୍ତୁତି ସମ୍ପର୍କରେ ସମୀକ୍ଷା କରିଥିଲେ ।

Share this
  •  
  •  
  •  
  •  
  •  
  •  
  •  

Related Posts

ସହିଦ ସଞ୍ଜୟଙ୍କ ଶେଷକୃତ୍ୟ ସଂପନ୍ନ ଝୁରୁଛି ଗାଁ…

Udaya_Labanya | June 15, 2021 | 109 views |0

ଫୁଲବାଣୀ- (ସୁନୀଲ ପଟନାୟକ)କନ୍ଧମାଳ ଜିଲ୍ଲାର ରାଇକିଆ ବ୍ଳକର ବାରା ଗାମା ଗ୍ରାମରେ ଆଜି ସହିଦ ସଜଂୟ ଙ୍କ ପ୍ରାର୍ଥୀ ବ ଶରୀର ପହଞ୍ଚିବା ପରେ କାନ୍ଦବୋବାଳି ରେ ଗାଁ ଦାଣ୍ଡ ଫାଟି ପଡିଥିଲା। ସମସ୍ତଙ୍କ ଆଖିରେ ଲୁହ । ସଂଜୟ ବିହାରରେଜି…

ମମତା ବାନାର୍ଜୀ ତୃତୀୟ ଥର ପାଇଁ ମୁଖ୍ୟମନ୍ତ୍ରୀ…

Udaya_Labanya | May 5, 2021 | 142 views | 0

ଭୁବନେଶ୍ୱର(ଲଲାଟେନ୍ଦୁ ସେନାପତି)ପଶ୍ଚିମବଙ୍ଗ ର ମୁଖ୍ୟମନ୍ତ୍ରୀ ଭାବେ ମମତା ବାନାର୍ଜୀ ଆଜି ତୃତୀୟଥର ପାଇଁ ରାଜଭବନରେ ଶପଥ ନେଇଛନ୍ତି, ଏହି ସପଥପାଠ ଉତ୍ସବରେ କେବଳ ମୁଖ୍ୟମନ୍ତ୍ରୀ ମମତା ବାନାର୍ଜୀ ଙ୍କୁ ଛାଡିଦେଲେ ଅନ୍ୟ କୌଣସି ମନ୍ତ୍ରୀ ଶପଥ ନେଇ ନାହାଁନ୍ତି, ସମ୍ପୂର୍ଣ କୋଭିଡ…

Leave a Reply

Your email address will not be published. Required fields are marked *

Archives

Categories