ଆଠଗଡ ( buro news )ଆଠଗଡ ତିଗିରିଆ ଏକ ଗଡଜାତ ମାଟି ଓ ସଂଗ୍ରାମୀ ମାଟି, ଏହି ବିପ୍ଲବୀ ମାଟିରୁ ଆରମ୍ଭ ହୋଇଥିଲା ପ୍ରଜା ମଣ୍ଡଳ ଆନ୍ଦୋଳନ, ପ୍ରଜା ମଣ୍ଡଳ ଆନ୍ଦୋଳନ ଯୋଗୁ ରାଜାବି ହଟିଥିଲେ ରାଜଗାଦି ରୁ ଓ ଆଠଗଡ ର ଶେଷ ରାଜା ରାଧାନାଥ ଦେବ ବର୍ମା ସରକାର ଙ୍କୁ ପ୍ରଦାନ କରିଥିଲେ ଆଠଗଡ ରାଜ୍ୟକୁ ପ୍ରଥମେ ଏବଂ ତିଗିରିଆ ର ଶେଷ ରାଜା ବ୍ରଜରାଜ ବୀରବର କ୍ଷେତ୍ରୀୟ ଚମ୍ପତି ସର୍ବ ଶେଷରେ ସରକାର ଙ୍କୁ ପ୍ରଦାନ କରିଥିଲେ ତିଗିରିଆ ରାଜ୍ୟକୁ,ଏହି କ୍ରମରେ ଆଠଗଡ ଓ ତିଗିରିଆ ଗଡଜାତ ରେ ବଂଶବାଦ ରାଜା ପରମ୍ପରା ଲୋପ ପାଇଥିଲା, ଏହା ପରେ ଆସିଲା ଗଣତାନ୍ତ୍ରିକ ଶାସନ ବ୍ୟବସ୍ଥା, ଗଣତାନ୍ତ୍ରିକ ଶାସନ ବ୍ୟବସ୍ଥା ରେ ମଧ୍ୟ ଆଠଗଡ ଓ ତିଗିରିଆ ରେ ବଂଶ ପରମ୍ପରା ର ନଜିର ନାହିଁ କିମ୍ବା ଵଂଶ ବାଦୀ ରାଜନୀତି ଅଦ୍ୟାବଧି ତିଷ୍ଠି ନାହିଁ,ଟିକେ ପଛକୁ ଫେରିବା ଆଠଗଡ ର ପ୍ରଥମ ବିଧାୟକ ଥିଲେ ପଦ୍ମଭୂଷଣ ଡ଼ ରାଧାନାଥ ରଥ ଆଠଗଡ ମାଟିର ସନ୍ତାନ, ସେ ୫ଥର ଆଠଗଡ ରୁ ବିଧାନସଭା କୁ ନିର୍ବାଚିତ ହୋଇ ସବୁ ସମୟରେ ନିଜର

ଦବଦବା ଦେଖାଇ ବହୁ ଗୁରୁତ୍ୱପୁର୍ଣ ବିଭାଗରେ ମନ୍ତ୍ରୀ ହୋଇଥିଲେ, ସେ ମଧ୍ୟ ତାଙ୍କ ପରିବାରର ପୁଅ କିମ୍ବା ଝିଅକୁ ରାଜନୀତି ମଧ୍ୟକୁ ଆଣି ନଥିଲେ, ପରବର୍ତ୍ତୀ ସମୟରେ ଅଚୁତ୍ତା ନନ୍ଦ ଦାଶ ୬ ବର୍ଷ ଧରି ବିଧାୟକ ହୋଇ ରହିଲେ ମଧ୍ୟ ସେ ତାଙ୍କ ପରିବାରରୁ କାହାକୁ ରାଜନୀତି ମଧ୍ୟକୁ ଆଣି ନଥିଲେ, ପରବର୍ତ୍ତୀ ସମୟରେ ତିଗିରିଆ ରାଣୀମା ରାସମଞ୍ଜରୀ ଦେବି ଆଠଗଡ ର ବିଧାୟିକା ହୋଇଥିଲେ ମଧ୍ୟ ସେ ତାଙ୍କ ପରିବାରର କୌଣସି ବ୍ୟକ୍ତିଙ୍କୁ ରାଜନୀତି ମଧ୍ୟକୁ ଆଣି ନଥିଲେ, ପରବର୍ତ୍ତୀ ସମୟରେ ରସାନନ୍ଦ ସାହୁ ଆଠଗଡ ର ବିଧାୟକ ହୋଇଥିଲେ ଏବଂ ସେ ଆଠଗଡ ଆସନରୁ ଇସ୍ତଫା ଦେବାପରେ ଜାନକୀବଲଭ ପଟ୍ଟନାୟକ ଆଠଗଡ ରୁ ଦଶବର୍ଷ ଧରି ବିଧାୟକ ହୋଇ ରାଜ୍ୟର ମୁଖ୍ୟମନ୍ତ୍ରୀ ଆସନ ଅଳଙ୍କୃତ କରିଥିଲେ ମଧ୍ୟ ପରବର୍ତ୍ତୀ ସମୟରେ ହେଉ କିମ୍ବା ମୁଖ୍ୟମନ୍ତ୍ରୀ ସମୟରେ ସେ ତାଙ୍କ ପରିବାର ର କାହାକୁ ଭି ରାଜନୀତି ମୈଦାନ କୁ ଆଣି

ନଥିଲେ,ସେହିପରି ତିଗିରିଆ ର କଂଗ୍ରେସ ନେତା ସୁବାସ ମହାନ୍ତିଙ୍କୁ ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲଭ ପଟ୍ଟନାୟକ ଙ୍କ ସହଯୋଗ ରେ ରାଜ୍ୟସଭା କୁ ପଠା ଯାଇଥିଲା ସେ ୬ ବର୍ଷ ଧରି ରାଜ୍ୟସଭା ରେ ସାଂସଦଭାବେ କାର୍ଯ୍ୟ ତୁଲାଇ ବହୁ ଗୁରୁତ୍ୱପୂର୍ଣ୍ଣ ପଦବୀରେ ରହିଥିଲେ ମଧ୍ୟ ସୁବାସ ମହାନ୍ତି ତାଙ୍କ ପରିବାର ରୁ କାହାକୁ ଭି ରାଜନୀତି ମୈଦାନକୁ ଆଣି ନାହାଁନ୍ତି, ଯାହା ଜଣାପଡୁଛି ଏବଂ ଇତିହାସ କହୁଛି ଆଠଗଡ ରାଜନୀତି ରେ ବଂଶବାଦ ର ସ୍ଥାନ ନାହିଁ,ଏହା ପରେ ଗତ 32 ବର୍ଷଧରି ଆଠଗଡ ର ବିଧାୟକ ହୋଇ ରହିଛନ୍ତି ରଣେନ୍ଦ୍ର ପ୍ରତାପ ସ୍ୱାଇଁ, ସେ ଏବେ ତାଙ୍କ ପୁତ୍ରକୁ ଆଠଗଡ ରାଜନୀତି ରେ ଏଣ୍ଟ୍ରି ମାରିବା ପାଇଁ ତୟାର କରୁଛନ୍ତି, 1946 ମସିହା ଠାରୁ ଯଦି ଦେଖିବା ଦୀର୍ଘ 76 ବର୍ଷ ମଧ୍ୟରେ ଆଠଗଡ ଇତିହାସ ରେ ବଂଶ ପରମ୍ପରା ର ସ୍ଥାନ ନାହିଁ କିମ୍ବା ବଂଶବାଦ ରାଜନୀତି ର ସ୍ଥାନ ନାହିଁ କହିଲେ ଚଳେ, ଏହି ଆଠଗଡ, ତିଗିରିଆ ମାଟିରୁ ଅଦ୍ୟାବଧି କେହିବି ବଂଶବାଦ ରାଜନୀତିକୁ ଆପଣେଇ ବାକୁ କେହିବି ଚେଷ୍ଟା କରି ନାହାଁନ୍ତି କିମ୍ବା ସେମାନଙ୍କ ପରିବାରର କେହିବି ଆଗକୁ ଆସିବାର ଚେଷ୍ଟା ମଧ୍ୟ କରି ନାହାଁନ୍ତି, ଏପରି ସ୍ଥଳରେ ଆଠଗଡ ଓ ତିଗିରିଆ ଭଳି ଏକ ବୀର ମାଟି ଓ ସଂଗ୍ରାମୀ ମାଟିରେ ବଂଶବାଦ ରାଜନୀତି ଆଗକୁ ଯାଇ ପାରିବ ନାହିଁ ଏହା ଆମେ କହୁନାହୁଁ ଆଠଗଡ ଇତିହାସ କହୁଛି, ଇତିହାସ କେବେ ମିଛ କହେନାହିଁ କିମ୍ବା ମିଛ ଲେଖେ ନାହିଁ, ଯଦି 2024 ରେ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ତାଙ୍କ ପୁଅ ଆଦିତ୍ୟ କୁ ରାଜନୀତି ମୈଦାନ କୁ ଓହ୍ଲାନ୍ତି ତେବେ ଇତିହାସ ଇତିହାସ ରେ ରହିଯିବ ନା ଇତିହାସ ଆଠଗଡ ରେ ମିଛ ହେବ ତା ସମୟ କହିବ, ତେବେ ଆମେ ତ କହିବୁ ଇତିହାସ ସବୁ ସମୟରେ ମୁକ ସାକ୍ଷୀ ହୋଇ ରହିଛି ଏବଂ ରହିଥିବ ଏବଂ ଆଠଗଡ ରେ ଇତିହାସ କେବେହେଲେ କଣ ଲେଉଟେଇବ ନାହିଁ, ଇତିହାସ ସବୁବେଳେ ଇତିହାସ ହୋଇ ରହିବ ଆଉ ଯିଏବି ଆସିବ ସେ ଇତିହାସ ଵନିଯିବ,

ଆଠଗଡ ( ଉଲ୍ଲାପ୍ର )ରାଜ୍ୟରେ ଯଦି କେହି ଲୁଟିବାକୁ ପାଉ ନାହଁ ତେବେ ଆଠଗଡ ଚାଲି ଆସ, ଦିନ ଦୁଇ ପହରରେ ଆଠଗଡ ବ୍ଲକ ଗୋବରା ପଞ୍ଚାୟତ ର ମୁଣ୍ଡା ସାହିକୁ ଯାଇ ଲୁଟିଛନ୍ତି ଗରିବ ଆଦିବାସୀଙ୍କୁ ଦୁଇ ଜଣ ଯୁବକ, ନିଜକୁ ଆଠଗଡ ବ୍ଲକର ପଦାଧିକାରୀ କହି ଆଦିବାସୀ, ମୁଣ୍ଡା ଲୋକଙ୍କ ଠାରୁ ଆବାସ ଘର କରାଇ ଦେବାକୁ କହି ଆଧାର କାର୍ଡ ଓ ବ୍ୟାଙ୍କ ପାସ ବହି ଜେରକ୍ସ ନେବାପରେ ଆକାଉଣ୍ଟ ଖାଲି କରିଦେଇଛନ୍ତି ମୁଣ୍ଡାସାହିର କିଛି ଲୋକଙ୍କର, ଗତ କଲି ଦୁଇଜଣ ଯୁବକ ମୁଣ୍ଡାସାହିକୁ ଯାଇ ନିଜର ପରିଚୟ ଦେଇଥିଲେ ଆଠଗଡ ବ୍ଲକର କର୍ମଚାରୀ ମାନେ ବୋଲି ମୁଣ୍ଡାସାହିର ଲୋକମାନେ କହିଛନ୍ତି,ସେହି ବିଶ୍ୱାସକୁ ପାଥେୟ କରି ମୁଣ୍ଡାସାହି ଲୋକେ ଆଧାର କାର୍ଡ଼ର ଫଟୋ ଓ ବ୍ୟାଙ୍କ ଆକାଉଣ୍ଟ ପ୍ରଭୁତି ସେହି ଲୋକମାନଙ୍କୁ ପ୍ରଦାନ କରିଥିଲେ, ଆଉ ସନ୍ଧ୍ୟା ବେଳକୁ ସେହି ଲୋକଙ୍କର ଆକାଉଣ୍ଟ ରେ ଥିବା ଟଙ୍କା ଖାଲି ହୋଇଯାଇ ଥିଲା, ଆଉ ଆଜି ଦଶ ରୁ ଅଧିକ ମୁଣ୍ଡାସାହି ଲୋକେ ଗୁରୁଦିଝାଟିଆ ଥାନାରେ ଅଭିଯୋଗ କରିଛନ୍ତି, କାହାର ନ ହଜାର, କାହାର ସାତ ହଜାର ଏମିତି ପ୍ରାୟ ପଚାଶ ହଜାର ଟଙ୍କା ଆଦିବାସୀଙ୍କ ପାସ ବହିରୁ ଉଠିଯାଇ ଥିବା ପୋଲିସ କହିଛି, ଯଦି ଓଡିଶା ଗ୍ରାମ୍ୟ ବ୍ୟାଙ୍କ ପୋଲିସକୁ ସହଯୋଗ କରିବ ତେବେ ଏହି ଜାଲିଆତି ଘଟଣାର ପରଦା ଫାସ ହୋଇପାରିବ ବୋଲି ପୋଲିସ ଆଶା ରଖିଛି, ତେବେ ଆଠଗଡ ବ୍ଲକର ବିଭିନ୍ନ ଆଦିବାସୀ ଗ୍ରାମରେ ଏବେ ଏହିଭଳି ଲୁଟ ହେବା ଆରମ୍ଭ କଲାଣି, ତେବେ ଏହାର ପଛରେ କିଏ ତାହା ତଦନ୍ତ ହେଲେ ଜଣାପଡିବ, କିନ୍ତୁ ଗୋଟିଏ କଥା ହେଲା ଯଦି ଲୁଟିବାକୁ ଅଛି ତେବେ ଆଠଗଡ କୁ ଆସ ବୋଲି ଲୋକେ ଚର୍ଚ୍ଚା କଲେଣି, ଲୁଟରେ ବୋଧେ ଆଠଗଡ ଏକ ନମ୍ବର ହେବାକୁ ଯାଉଛି,

ଆଠଗଡ (ଉଲ୍ଲାପ୍ର )କଟକ ଜିଲ୍ଲା ଆଠଗଡ ବ୍ଲକ ନଦୀକୂଳ ଅଞ୍ଚଳର ଅଗ୍ରଣୀ ସାମାଜିକ ଅନୁଷ୍ଠାନ ଜୀବନ ସଂଘର୍ଷ ଆଜି ଅନ୍ତର୍ଜାତୀୟ ମାତୃଭାଷା ଦିବସରେ ଓଡ଼ିଆ ମଧୁ ବର୍ଣ୍ଣବୋଧ ବହି, ପେନସିଲ,ଖାତା ବଣ୍ଟନ କରିଥିଲେ, ନଦୀକୁଳ ଅଞ୍ଚଳର ପଞ୍ଚାୟତ ଯଥା ମଞ୍ଚେଶ୍ୱର ପଞ୍ଚାୟତ ଖୋଲସାହି, ଅନନ୍ତପୁର ପଞ୍ଚାୟତର ବ୍ରହ୍ମପୁର ଆଦିବାସୀ ସାହି, ଧୂରୁଷିଆ ପଞ୍ଚାୟତର ଦଳିତ ସାହିର ଛୋଟ ଛୋଟ ପିଲାମାନେ ମାତୃଭାଷା ଓଡ଼ିଆ ଭାରି ବଢିଆ ବୋଲି ସ୍ଲୋଗାନ ଦେଇଥିଲେ ଜୀବନ ସଂଘର୍ଷର ସମ୍ପାଦକ ନିର୍ମଳ କୁମାର ଏବଂ ସମାଜସେବୀ ସତ୍ୟଜିତ ମଲ୍ଲିକ, ବିଜୟ ପ୍ରତିହାରୀ,ପ୍ରମୋଦ ସାହୁ, ଅଭିଷେକ ମଲ୍ଲିକ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ଟିକୁ ସଠିକ ଭାବରେ ପରିଚାଳନା କରିବା ସହିତ ପିଲାମାନଙ୍କୁ ଉତ୍ସାହିତ କରି ମାତୃଭାଷା ର ମହତ୍ୱ ବିଷୟରେ ସମ୍ୟକ ସୂଚନା ଦେଇଥିଲେ, ଓଡ଼ିଆ ଭାଷା ସହିତ ମଧୁ ବର୍ଣବୋଧ ବହିର ନିବିଡ଼ତା ଅନେକ ବୋଲି କହିଥିଲେ ସତ୍ୟଜିତ ମଲ୍ଲିକ,ଜୀବନ ସଂଘର୍ଷ ପରିବାରର ଏହି ଭଳି କାର୍ଯ୍ୟ କୁ ଭାଷା ପ୍ରେମୀ,ଜନ ସାଧାରଣ ଅନେକ ପ୍ରଶଂସା କରୁଥିବା ଦେଖିବାକୁ ମିଳିଥିଲା l