କାଠ ମାଫିଆଙ୍କ ଆକ୍ରମଣ ରେ ବିଜେପି ସୋସିଆଲ ମେଡିଆ ସଂଯୋଜକ ଗୁରୁତର

Udaya_Labanya | July 31, 2021 | 137 views |0 | Breaking News


ଆଠଗଡ( ଉଲାପ୍ର)କଟକ ଜିଲ୍ଲା ଆଠଗଡ଼ ଥାନା ଅନ୍ତର୍ଗତ-ଧୁରୁକୁଡ଼ିଆ ଗ୍ରାମର ଦୁର୍ଦାନ୍ତ କାଠ ମାଫିଆଙ୍କ ଆକ୍ରମଣରେ ପରିବେଶବିତ ତଥା ଆଠଗଡ ନିର୍ବାଚନ ମଣ୍ଡଳୀର ବିଜେପି ସୋସିଆଲ ମିଡିଆ ସଂଯୋଜକ ନିର୍ମଳ କୁମାର ପତ୍ରୀ ଗୁରୁତର ଆହତ ହୋଇ କଟକ ବଡ ଡାକ୍ତରଖାନା ସ୍ଥାନାନ୍ତର ହୋଇଥିବା ଜଣାପଡିଛି।
ଘଟଣାରୁ ଜଣାପଡିଛି ଶନିବାର ଦ୍ବିପହର ସମୟରେ ନିର୍ମଳ ପତ୍ରୀ ମେଘା ଗ୍ରାମରେ ମହାପ୍ରଭୁଙ୍କ ରଥଯାତ୍ରାରେ ରଥକାଠ ନିର୍ମାଣ ପାଇଁ ଜଗନ୍ନାଥ ବନ ପ୍ରକଳ୍ପ ଯୋଜନା ମାଧ୍ୟମରେ ସୃଷ୍ଟି ହୋଇଥିବା ବନ ପ୍ରକଳ୍ପରେ ବୃକ୍ଷ ଗୁଡିକର ସ୍ଥିତି ଅନୁଧ୍ୟାନ କରିବାକୁ ଯାଇଥିବା ବେଳେ ସେଠାରେ ଦେଖିବାକୁ ପାଇଥିଲେ ଧୁରୁକୁଡ଼ିଆ ଗ୍ରାମର ଦୁର୍ଦାନ୍ତ କାଠ ମାଫିଆ ପ୍ରଭାକର ଦାସ ଉକ୍ତ ବନ ପ୍ରକଳ୍ପରୁ ବ୍ଯାପକ ପରିମାଣର ଗଛ କାଟି ଗଦେଇ ଥିଲେ।ତେବେ ନିର୍ମଳ ପତ୍ରୀ ଘଟଣା ସମ୍ପର୍କରେ କାଳେ ପୋଲିସ କିମ୍ବା ବନବିଭାଗ କୁ ଜଣାଇଦେବ ସେଥିପାଇଁ ଦୁର୍ଦାନ୍ତ କାଠ ମାଫିଆ ପ୍ରଭାକର ଦାସ ତାଙ୍କ ପୁଅ ପ୍ରଦୀପ ଦାସ ଓ ପ୍ରକାଶ ଦାସ ରାତି ପ୍ରାୟ ୮ ଟା ସମୟରେ ଧୁରୁକୁଡିଆ ଗ୍ରାମ କୋଠଘରେ ନିର୍ମଳ ପତ୍ରୀ ବସିଥିବା ବେଳେ ବିଭିନ୍ନ ଧାରୁଆ ଅସ୍ତ୍ର ରେ ବାପ ପୁଅ ତିନିଜଣ ନିର୍ମଳଙ୍କୁ

ମରଣାନ୍ତକ ଆକ୍ରମଣ କରିଥିଲେ ଏହି ସମୟରେ ସେହି ଗ୍ରାମର ମଥୁରା ପତ୍ରୀ ଗଣ୍ଡଗୋଳ ଛଡାଇବା ସମୟରେ ମଧ୍ୟ ତାଙ୍କୁ ଆକ୍ରମଣ କରିଥିଲେ ବାପ ପୁଅ ,ଏଥିରେ ମଥୁରା ପତ୍ରି ଛଡ଼ାଇବାକୁ ଯାଇ ସାମାନ୍ୟ ଆହାତ ହୋଇଛନ୍ତି ,ନିର୍ମଳ ଗୁରୁତର ଅବସ୍ଥାରେ ଗ୍ରାମ କୋଠଘର ଠାରେ ରକ୍ତାକ୍ତ ଅବସ୍ଥାରେ ପଡିଥିବା ସମୟରେ ସେହି ଅଞ୍ଚଳର ଜୈନିକ ଯୁବକ ତାଙ୍କ ଅଟୋରେ ଆଣିବା ସମୟରେ ମଧ୍ଯ କାଠ ମାଫିଆମାନେ ଡାକ୍ତରଖାନା ନେବାକୁ ବାରଣ କରିଥିଲେ ପରେ ୧୦୮ ଆମ୍ବୁଲାନ୍ସ ଘଟଣା ସ୍ଥଳରେ ପହଞ୍ଚି ନିର୍ମଳଙ୍କୁ ଆଠଗଡ ଡାକ୍ତରଖାନା କୁ ଆଣିଥିଲେ।ତେବେ ଚିକିତ୍ସା ସମୟରେ ତାଙ୍କ ମୁଣ୍ଡ ଓ ଆଖିରେ ଗଭୀର ଆଘାତ ଲାଗିଥିବା ଡାକ୍ତର ପ୍ରକାଶ କରିଛନ୍ତି ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କର ଅଧିକ ଚିକିତ୍ସା ପାଇଁ ଡାକ୍ତର କଟକ ବଡ ଡାକ୍ତରଖାନା କୁ ସ୍ଥାନନ୍ତରିତ କରିଛନ୍ତି ।ତେବେ ଖବର ପାଇ ଘଟଣା ସ୍ଥଳରେ ଆଠଗଡ ପୋଲିସ ପହଞ୍ଚି ତଦନ୍ତ ଜାରି ରଖିଛି।ପରିବାର ପକ୍ଷରୁ ଆଠଗଡ ଥାନାରେ ବାପ ପୁଅ ତିନିଜଣଙ୍କ ନାମରେ ଏତଲା ଦିଆଯାଇଛି ।ସୂଚନା ଥାଉକି ପୂର୍ବରୁ ମଧ୍ୟ ଦୁଇ ଦୁଇ ଥର ପୋଲିସ ଓ ବନବିଭାଗର ଇନଫରମର ସନ୍ଦେହ ରେ ଉକ୍ତ ବାପ ପୁଅ ତିନିଜଣ ନିର୍ମଳଙ୍କୁ ପୂର୍ବରୁ ଆକ୍ରମଣ କରି ଲହୁ ଲୁହାଣ କରିଥିଲେ ।ତେବେ ଏବେ ପୋଲିସ କି ପଦକ୍ଷେପ ନେଉଛି ତାହା ଦେଖିବାକୁ ରହିଲା ।

Share this
  •  
  •  
  •  
  •  
  •  
  •  
  •  

Related Posts

କଟକରେ ଗାନ୍ଧୀ ଜୟନ୍ତୀ ଅନୁଷ୍ଠିତ

Udaya_Labanya | October 2, 2022 | 30 views |0

କଟକ (ଉଲାପ୍ର) ପବିତ୍ର ଗାନ୍ଧୀ ଜୟନ୍ତି ଅବସରରେ ଶିବସେନାର ପୂର୍ବତନ ଓଡ଼ିଶା ରାଜ୍ୟ ପ୍ରମୁଖ ସ୍ବର୍ଗତ ରାମବିଳାଶ ଶର୍ମା ସେବା ସ୍ମୃତି ସାଂସଦ ତରଫରୁ, ଜାତିର ପିତା ମହାତ୍ମା ଗାନ୍ଧୀଙ୍କ ଜନ୍ମ ଜୟନ୍ତୀ ରାଷ୍ଟ୍ର ଭାଷା ଠାରେ ଏକ ସ୍ମୃତି ସଭାର…

ଜିଲ୍ଲା ଲିଗାଲ ଏଡ ପକ୍ଷରୁ ସ୍ୱାସ୍ଥ୍ୟ ଶିବିର

Udaya_Labanya | October 1, 2022 | 8 views | 0

ଫୁଲବାଣୀ (ସୁନୀଲ ପଟନାୟକ )ଶନିବାର ଫୁଲବାଣୀ ବ୍ଳକ ର ସା୍ର୍ତା ଗୁଡା‌ ଠାରେ ଥିବା ‌ ଆଇ ଆଇ ସି ଭିଲେଜ ଵୃଦ୍ଧାଶ୍ରମ ରେ ଆଇନ୍ ସହାୟତା ପ୍ରାଧିକରଣ ତରଫରୁ ଏକ ଚକ୍ଷୁ ଚିକିତ୍ସା ଶିବିର ଓ ସ୍ୱାସ୍ଥ୍ୟ ଶିବିର ର…

Leave a Reply

Your email address will not be published. Required fields are marked *

Archives

Categories