ବନବାସୀ ସୁରକ୍ଷା ସଂଗଠକ ପକ୍ଷରୁ ଅଞ୍ଚଳର ବିଭିନ୍ନ ସମସ୍ୟା ନେଇ ଏକ ବୈଠକ ଅନୁଷ୍ଠିତ

Udaya_Labanya | September 4, 2021 | 17 views |0 | Breaking News


ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ଦାରିଙ୍ଗବାଡି ବ୍ଲକ ବ୍ରାହ୍ମଣୀଗାଁ ସ୍ଥିତ ରାଜୀବଗାନ୍ଧୀ ସେବା କେନ୍ଦ୍ର ଠାରେ ଏକ ବୈଠକ ଅନୁଷ୍ଠିତ ହୋଇଯାଇଛି । ବନବାସୀ ସୁରକ୍ଷା ସଂଗଠକ ପକ୍ଷରୁ ପ୍ରଶାନ୍ତ ନାୟକଙ୍କ ସଭାପତିତ୍ୱରେ ଆୟୋଜିତ ଏହି ବୈଠକ ରେ ବିଦ୍ୟୁତ ,ଇଣ୍ଟରନେଟ୍ ସେବା ଭଳି ଅନେକ ଜରୁରୀ କାଳୀନ ସମସ୍ୟାର ସମାଧାନ ଲାଗି ଆଲୋଚନା କରାଯାଇଥିଲା l ବ୍ରାହ୍ମଣୀଗାଁ ଅଞ୍ଚଳ ଏକ ଆଦିବାସୀ ଅଧୁଷିତ ଅଞ୍ଚଳ ଭାବେ ପରିଚିତ ଥିବାବେଳେ ଏହି ଅଞ୍ଚଳରେ ଝୁଣା , ଲାଖ , ପାଳୁଅ ପାଇଁ ଏହି ଅଞ୍ଚଳ ସାରା ରାଜ୍ୟ ଓ ରାଜ୍ୟ ବାହାରେ ନିଜର ଖ୍ୟାତି ଲାଭ କରିଛି ! ତେଣୁ ଏହି ଅଞ୍ଚଳ ବ୍ୟବସାୟୀର ପେଣ୍ଠସ୍ଥଳୀ ଭାବେ ପରିଚିତ ହୋଇଥିବା ବେଳେ ଏଠାରେ ଆଠ ଗୋଟି ପଞ୍ଚାୟତର ଲୋକେ ଯଥା: ହାତିମୁଣ୍ଡା , ତାଜୁଙ୍ଗି, ଗଦାପୁର, ସରାମୂଳି , ବ୍ରାହ୍ମଣୀଗାଁ , ଝିଞିରିଗୁଡା , କୁମ୍ଭାରିଗାଁ , କାଟିଙ୍ଗା ସମେତ ଗଜପତି ଜିଲ୍ଲା ମୋହନା ବ୍ଲକର କାଟମା ଓ ପାଣିଗଣ୍ଡା ଏହି ବ୍ରାହ୍ମଣୀଗାଁ ପଞ୍ଚାୟତ ଉପରେ ନିର୍ଭର କରନ୍ତି ! ବ୍ୟାଙ୍କ ଠାରୁ ଆରମ୍ଭ କରି ଶିକ୍ଷା ପାଇଁ ମଧ୍ୟ ଆସିଥାନ୍ତି ଏହି ବ୍ରାହ୍ମଣୀଗାଁକୁ ! କିନ୍ତୁ ନା ମିଳି ପାରୁଚି ବ୍ୟାଙ୍କ ସେବା ନା ହେଉଛି ଅନଲାଇନ୍ ପାଠପଢା । ବ୍ରାହ୍ମଣୀଗାଁ ରେ ଠିକ ଭାବରେ ନେଟ ୱାର୍କ ରହୁନଥିବାରୁ ପିଲାମାନେ ପାଠ ପଢାରେ ବଞ୍ଚିତ ଅଛନ୍ତି । ସରକାର ଅନଲାଇନ୍ ପାଠ ପଢିବା ଘୋଷଣା କରିଥିବା ବେଳେ ତାହା ଦୁର୍ଗମ ଅଞ୍ଚଳ ମାନଙ୍କରେ କେବଳ ଏକ ପ୍ରକାର ପ୍ରହସନ ପାଲଟିଛି । ଛାତ୍ର ଛାତ୍ରୀ ବିଭିନ୍ନ ସମୟରେ ଅନଲାଇନ୍ ପାଠ ପଢିବା ପାଇଁ ମୋବାଇଲ ନେଟୱାର୍କ ପାଇବା ଲାଗି ଜଙ୍ଗଲ ଉପରକୁ ଯାଇ ପାଠ ପଢୁଛନ୍ତି ! ଏହି ମଧ୍ୟରେ ଯଦି କୌଣସି ଛାତ୍ର ଛାତ୍ରୀ ସରିସୃପ ଶିକାର ହେଲେ ଏହାର ଦାୟୀ କିଏ ରହିବେ ବୋଲି ପ୍ରଶ୍ନ କରିଛନ୍ତି ବନବାସୀ ସୁରକ୍ଷା ସଂଗଠକର ସଦସ୍ୟ ବଳଭଦ୍ର ମଳିକ । ଏହାର ସ୍ଥାୟୀ ସମାଧାନ କରିବା ପାଇଁ ଅଞ୍ଚଳ ବାସି ଦାବି କରିଛନ୍ତି । ପୁନର୍ବାର ଏହାର ଆଗାମୀ ବୈଠକ ୧୮ ତାରିଖରେ ବସିବା ପାଇଁ ସଂଗଠକ ପକ୍ଷରୁ ଧାର୍ଯ୍ୟ କରାଯାଇଛି !

Share this
  •  
  •  
  •  
  •  
  •  
  •  
  •  

Related Posts

ଜଗଦିଶ ବେହେରାଙ୍କ ପରଲୋକ

Udaya_Labanya | February 5, 2023 | 3 views |0

ମୟୂରଭଞ୍ଜ ଜିଲ୍ଲା ଅନ୍ତର୍ଗତ ବହଳଦା ବ୍ଲକର ବିଂଝୁଆ ଗ୍ରାମର ଜଗଦିଶ ବେହେରାଙ୍କ ସୁଗାର ଓ ବ୍ଲଡ଼ ପ୍ରେସର ଜନିତ ରୋଗରେ ଗତ ଶୁକ୍ରବାର ବିଳମ୍ବିତ ରାତିରେ ବାରିପଦା ଜିଲ୍ଲା ଡାକ୍ତରଖାନାରେ ମୃତ୍ୟୁ ବରଣ କରିଛନ୍ତି | ଏ ଖବର ଶୁଣି ରାଇରଙ୍ଗପୁର,…

ଆଠଗଡ ସାହିତ୍ୟ ସମାଜ କବିତା ଆସର ଅନୁଷ୍ଠିତ

Udaya_Labanya | February 5, 2023 | 107 views | 0

ଆଠଗଡ(ଉଲ୍ଲାପ୍ର )ଆଠଗଡ ସାହିତ୍ୟ ସମାଜର କବିତା ଆସର ସ୍ଥାନୀୟ ମହାତ୍ମାଗାନ୍ଧୀ ଇଂରାଜୀ ମିଡ଼ିଅମ ସ୍କୁଲ ଠାରେ ଅନୁଷ୍ଠିତ ହୋଇଯାଇଛି,ଉପସଭାପତି ସୁରେଶ ଚନ୍ଦ୍ର ପରିଡାଙ୍କ ସଭାପତିତ୍ୱ ରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ ଖୁଣ୍ଟୁଣୀ ରାଧାନାଥ ରଥ ବିଜ୍ଞାନ ମହାବିଦ୍ୟାଳୟର ଇତିହାସ ବିଭାଗ…

Leave a Reply

Your email address will not be published. Required fields are marked *

Archives

Categories