ଢେଙ୍କାନାଳ ଡାକ ବିଭାଗ ତରଫରୁ ଜାତୀୟ ଡାକ ଦିବସ ପାଳିତ

ଢେଙ୍କାନାଳ,ଢେଙ୍କାନାଳ ଡାକ ବିଭାଗ ତରଫରୁ ଜାତୀୟ ଡାକ ଦିବସ ପାଳିତ ହୋଇଯାଇଛି । ଢେଙ୍କାନାଳ ସହରର କାସିଆଡ଼ିହି ଗ୍ରାମପଞ୍ଚାୟତର କଲ୍ୟାଣ ମଣ୍ଡପ ଠାରେ ଡାକ ବିଭାଗ ତରଫରୁ ଜାତୀୟ ଡାକ ଦିବସ ପାଳିତ ହୋଇଯାଇଛି । ଆଜିର ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିରୁପେ ଗ୍ରାମର ସରପଞ୍ଚ ଶ୍ରୀମତୀ ମିନତୀ ରାଉତ ଯୋଗ ଦେଇଥିଲେ । ଅନ୍ୟ ଅତିଥିମାନଙ୍କ ମଧ୍ୟରେ ଗ୍ରାମ ସଭାପତି ଶ୍ରୀଯୁକ୍ତ ପଦ୍ମ ଚରଣ ପାତ୍ର,ସଂମାନିତ ଅତିଥିରୁପେ ବରିଷ୍ଠ ଶିକ୍ଷାବିତ ଶ୍ରୀ ପ୍ରଫୁଲ୍ଲ କୁମାର ଜେନା ଯୋଗଦେଇଥିଲେ । ଢେଙ୍କାନାଳ ଡାକ ଅଧିକ୍ଷକ ଶ୍ରୀ ଜଗଦୀଶ ଦାସ ମୁଖ୍ୟ ବକ୍ତା ଭାବେ ଯୋଗ ଦେଇ ଡାକ ବିଭାଗର ବିଭିନ୍ନ ସେବା ଉପରେ ଆଲୋକପାତ କରିବା ସହ ତାହା କିଭଳି ସୁବିଧାରେ ଜନସାଧାରଣଙ୍କ ପାଖରେ ପହଂଚି ପାରିବ ତାହା ଉପରେ ଗୁରୁତ୍ୱାରୋପ କରିଥିଲେ । ଆଜିର ଏହି ସଭାରେ ଢେଙ୍କାନାଳ ଡାକ ନିରୀକ୍ଷକ ଶ୍ରୀ ସମୀର ସାହୁ ଜାତୀୟ ଡାକ ସପ୍ତାହ ବିଷୟରେ ଆଲୋକପାତ କରିଥିଲେ । ପରିଶେଷରେ କାମାକ୍ଷାନଗର ର ଡାକ ନିରୀକ୍ଷକ ଧନ୍ୟବାଦ ଅର୍ପଣ କରିଥିଲେ । ଆଜିର ଏହି ସଭାରେ ମଞ୍ଚ ପରିଚାଳନା କରିଥିଲେ ଜନ ସମ୍ପର୍କ ନିରୀକ୍ଷକ ଶ୍ରୀ ଦୀପ୍ତିରଞ୍ଜନ ସାମନ୍ତ ।