ପ୍ରଥମ ପ୍ରର୍ଯ୍ୟାୟରେ ବାଲିଗୁଡ଼ା ଓ କ.ନୂଆଗାଁର ୩ଟି ଜିଲା ପରିଷଦ ଜୋନ ପାଇଁ ଭୋଟ ଗ୍ରହଣ

ଫୁଲବାଣୀ-(ସୁନୀଲପଟନାୟକ)
ଆସନ୍ତା ୧୬ରେ କନ୍ଧମାଳ ଜିଲ୍ଲାର ବାଲିଗୁଡ଼ା ଓ କ.ନୂଆଗାଁ ବ୍ଳକରେ ପ୍ରଥମ ପ୍ରର୍ଯ୍ୟାୟରେ ଭୋଟ ଗ୍ରହଣ ହେବ। ଏହି ଦୁଇ ବ୍ଳକରେ ୩ଟି ଜିଲା ପରିଷଦ ଜୋନ ରହିଛି।
ସେଥିମଧ୍ୟରୁ ବାଲିଗୁଡ଼ାରେ ଦୁଇଟି ଓ କନୂଆଗାଁରେ ଗୋଟିଏ। ବାଲିଗୁଡ଼ା ବ୍ଲକର ଦୁଇଟି ଜିଲା ପରିଷଦ ଜୋନ ପାଇଁ ୪ଜଣ ଲେଖାଁଏ ୮ଜଣ ଓ କନୂଆଗାଁ ବ୍ଲକର ଗୋଟିଏ ଜୋନ ପାଇଁ ୩ଜଣ ପାର୍ଥୀ ପ୍ରତି ଦ୍ୱନ୍ଦିତା କରୁଛନ୍ତି।
ଫଳରେ ନିରପେକ୍ଷ ଭୋଟଗ୍ରହଣ ପାଇଁ ଆଜି ଏ ଦୁଇ ବ୍ଲ୍ କରେ ପୋଲିଙ୍ଗ ପାର୍ଟିମାନଙ୍କୁ ବାଲାଟବ କ୍ସ, ବାଲାଟ ପେପର ସମେତ ସମସ୍ତ ଆନୁସଙ୍ଗିକ ସାମଗ୍ରୀ ପ୍ରଦାନ କରାଯିବା ସହ ଗାଡି ଯୋଗେ ବୁଥରେ ପୁଲିଙ୍ଗ ପାର୍ଟିମାନଙ୍କୁ ସୁରକ୍ଷିତ ପହଞ୍ଚାଯାଇଛି । ୧୬ ତାରିଖ ସକାଳ ୭ରୁ ଦିନ ଗୋଟାଏଯାଏ ଭୋଟଗ୍ରହଣ ହେବ।
ବାଲିଗୁଡ଼ାରେ ଦୁଇଟି ଜୋନ ଲାଗି ୧୮୩ ଟି ଭୋଟ ଗ୍ରହଣ କେନ୍ଦ୍ର ଓ କନୂଆଗା ବ୍ଲକରେ ୧୭୭ଟି ଭୋଟ ଗ୍ରହଣ କେନ୍ଦ୍ର ରହିଛି ।
ବାଲିଗୁଡ଼ାର ଦୁଇଟି ଜିଲା ପରିଷଦ ପାଇଁ ୩୮ହଜାର ୧୩୬ ଜଣ ଭୋଟର ସେମାନଙ୍କ ମତଦାନ ସାବ୍ୟସ୍ତ କରିବାବେଳେ କ’ନୂଆଗାଁ ବ୍ଳକରେ ୪୦ ହଜାର୬୦୮ ଜଣ ଭୋଟର ମତଦାନ କରିବେ । ସେହିପରି ପଞ୍ଚାୟତସରପଞ୍ଚ ସମିତି ସଭ୍ୟ ଓ ୱ।ର୍ଡ ସଭ୍ୟ ପାଇଁ ମଧ୍ୟ ଭୋଟଗ୍ରହଣ କରାଯିବା।
ବ୍ଲକ ବିଡିଓମାନେ ଏ ସମସ୍ତ କାର୍ଯ୍ୟ ନିଜେ ଉପସ୍ଥିତ ରହି ସଠିକ ଭାବରେ ତଦାରଖ କରୁଛନ୍ତି । ନିର୍ବାଚନକୁସୁପରିଚାଳନା ପାଇଁ ପ୍ରତି୭/୮ଟି ବୁଥ ଲାଗି ସେକ୍ଟର ଅଫିସର ନିଯୁକ୍ତି ଦିଆଯାଇଛି । ସୁରକ୍ଷା ପାଇଁ ପ୍ରତି ବୁଥରେ ଜଣେ ଲେ ଖାଏଁ ପୋଲିସ ନିୟୋଜିତ କରାଯାଇଛି । ଏଥି ସହ ନିୟମିତ ସଶସ୍ତ୍ର ପୋଲିସ ପେଟ୍ରୋଲିଙ୍ଗ କରିବେ ।
ସମ୍ୱେ ଦନ ଓ ଅତି ସମ୍ବେଦନଶୀଳ ବୁଥ ଉପରେ ପୋଲିସ ଓ ପ୍ରଶାସନକ ସତର୍କ ନଜର ରଖିଥିବା କୁହାଯାଇଛି ।
ଜିଲ୍ଲାରେ ଯେପରି ମୁକ୍ତ ଅବାଧ ଓ ନିରପେକ୍ଷ ଭୋଟ ହେବ ସେଥିପାଇଁ ପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯାଇଥିବା ଜିଲା ପଞ୍ଚାୟତ ଅଧିକାରୀ ରତିକାନ୍ତ ଆଚାର୍ଯ୍ୟ,ଓ ଅତିରିକ୍ତ ଜିଲାପାଳ ବସନ୍ତ କୁମାର ସାହୁ କହିଛନ୍ତି।