ପୈାର ନିର୍ବାଚନ ପାଇଁ ନାମାଙ୍କନ ପତ୍ର ବିକ୍ରି ଆରମ୍ଭ

Udaya_Labanya | March 2, 2022 | 31 views |0 | Breaking News


ବରଗଡ଼:-(ସତ୍ୟ ନାରାୟଣ ପ୍ରଧାନ)
ଗତ ୨୮ ତାରିଖ ରେ ରାଜ୍ୟ ନିର୍ବାଚନ କମିଶନ ପୈାର ପରିଷଦ ନିର୍ବାଚନ ଘୋଷଣା ପରେ ଆଜିଠୁ କାଉନସିଲର ଓ ଅଧ୍ୟକ୍ଷ ପଦ ପାଇଁ ନାମାଙ୍କନ ପତ୍ର ବିକ୍ରି ଓ ଦାଖଲ ପ୍ରକ୍ରିୟା ଆରମ୍ଭ ହୋଇଛି। ଆଜି ୧୮ ନମ୍ବର ଓ୍ବାର୍ଡ ସଭ୍ୟ ପାଇଁ ଏପିପି ଦଳର ଆଭୟ ସାମଲ,୧୦ ନମ୍ବର ଓ୍ବାର୍ଡ ସଭ୍ୟ ପାଇଁ ବିଶ୍ବଜିତ ବିଶ୍ବାଳ,ପପ୍ପୁ ଦାଶ ଙ୍କ ସମେତ ୮ ଜଣ ନାମାଙ୍କନ ପତ୍ର କିଣିଥିଲେ। ସେହିପରି ୨ ଜଣ ଅଧକ୍ଷ ‌ପଦ ପାଇଁ ନାମାଙ୍କନ ପତ୍ର କିଣି ଥିଲେ। ବରଗଡ଼ ଜିଲ୍ଲା ରେ ବରଗଡ଼ ପୈାର ପରିଷଦ, ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦ, ବରପାଲି ବିଜ୍ଞାପିତ ଅଞ୍ଚଳ ପରିଷଦ ଏବଂ ଚଳିତ ଥର ପ୍ରଥମ ଥର ପାଇଁ ନିର୍ବାଚନ ହେବାକୁ ଥିବା ବିଜେପୁର ବିଜ୍ଞାପିତ ଅଞ୍ଚଳ ପରିଷଦ ରେ ନାମାଙ୍କନ ଫର୍ମ ବିକ୍ରି ଆରମ୍ଭ ହୋଇଛି। ବରଗଡ଼ ମ୍ୟୁନିସିପାଲଟି ରେ ୧୯ ଟି ଓ୍ବାର୍ଡ ସଭ୍ୟ ସଭ୍ୟା ଏବଂ ଅଧ୍ୟକ୍ଷା ପଦବୀ ନିର୍ବାଚନ ଅନୁଷ୍ଠିତ ହେବ। ଆସନ୍ତା ୭ ତାରିଖ ପର୍ଯ୍ୟନ୍ତ ପ୍ରାର୍ଥୀପତ୍ର ଦାଖଲ ପ୍ରକ୍ରିୟା ଚାଲିବ। ସେହିପରି ପ୍ରାର୍ଥୀପତ୍ର ପ୍ରତ୍ୟାହାର ପରେ ୧୯ ତାରିଖ ସଂପୂର୍ଣ୍ଣ ତାଲିକା ପ୍ରକାଶିତ ହେବ। ୨୪ ତାରିଖ ଦିନ ୭୪ ଟି ବୁଥ ରେ ଭୋଟ ଗ୍ରହଣ କରାଯିବ। ଗତ ଥର ପରି ଚଳିତ ଥର ମଧ୍ୟ ଇଭିଏମରେ ଭୋଟ ଗ୍ରହଣ କରାଯିବ। ବରଗଡ଼ ପୈାର ପରିଷଦ ନିର୍ବାଚନ ପାଇଁ ବରଗଡ଼ ଉପ ଜିଲ୍ଲାପାଳ ସୁଭେନ୍ଦୁ ସାମଲ ନିର୍ବାଚନ ଦାୟିତ୍ବରେ ଥିବା ବେଳେ ପୈାର ପରିଷଦ ର ନିର୍ବାହୀ ଅଧିକାରୀ ନାରାୟଣ ଦଣ୍ଡସେନା ସହକାରୀ ର୍ନିର୍ବାଚନ ଅଧିକାରୀ ଭାବେ କାର୍ଯ୍ୟ କରୁଛନ୍ତି। ଆଜି ମନୋନୟନ ପତ୍ର ଦାଖଲ ପ୍ରଥମ ଦିନ ରେ କେହିଜଣେ ହେଲେ ପ୍ରାର୍ଥୀ ପତ୍ର ଦାଖଲ କରିନଥିଲେ। ଜିଲ୍ଲା ନିର୍ବାଚନ ସୁପରଭିଜନ ଅଧିକାରୀ ତଥା ଗ୍ରାମ୍ୟ ଉନ୍ନୟନ ସଂସ୍ଥା ର ପ୍ରକଳ୍ପ ନିର୍ଦ୍ଦେଶକ କୃତି ବାସ ରାଉତ ଆଜି ନିର୍ବାଚନ କାର୍ଯ୍ୟ ତଦାରଖ କରିଥିଲେ।

Share this
  •  
  •  
  •  
  •  
  •  
  •  
  •  

Related Posts

ଶହୀଦ ଦିବସ ଅବସରରେ ସମବେତ ନୀରବ ପ୍ରାର୍ଥନା

Udaya_Labanya | January 31, 2023 | 2 views |0

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡ଼ା ସ୍ଥିତ ଆଦିବାସୀ ମହାବିଦ୍ୟାଳୟ ପରିସରରେ ଶହୀଦ ଦିବସ ପାଳିତ ହୋଇଯାଇଛି l ଏହି ଅବସରରେ ଯୁକ୍ତ 2ଓ ଯୁକ୍ତ ୩ କଳା, ବାଣିଜ୍ୟ ଓ ବିଜ୍ଞାନ ସମ୍ମାନ ଶ୍ରେଣୀ ଗୃହରେ ଏହି କାର୍ଯ୍ୟକ୍ରମ…

ଅଙ୍ଗନୱାଡି କେନ୍ଦ୍ର ଗୃହ ନିର୍ମାଣ ରେ ବ୍ୟାପକ…

Udaya_Labanya | January 31, 2023 | 2 views | 0

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): ଅଙ୍ଗନୱାଡି କେନ୍ଦ୍ର ଗୃହ ନିର୍ମାଣ ରେ ଦୁର୍ନୀତିର ଗନ୍ଧ l ପୁରୁଣା ମାଟି ଇଟା ଏବଂ ଅନାମଧେୟ ସିମେଣ୍ଟ ବ୍ୟବହାର ଓ କମ ସିମେଣ୍ଟ ର ବାଲି ମିଶ୍ରଣ ରେ ହେଉଛି କାନ୍ଥ ଯୋଡ଼େଇ l ଏହିଭଳି…

Leave a Reply

Your email address will not be published. Required fields are marked *

Archives

Categories