କନ୍ଧମାଳ,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲାର ଗୌରବ ତଥା ତାଡ଼ିସରୁବାଇ ଭାବେ ପରିଚିତ ପଦ୍ମଶ୍ରୀ ପୂର୍ଣ୍ଣମାସୀ ଜାନୀ ଅସୁସ୍ଥ ହୋଇଛନ୍ତି l ତାଙ୍କୁ ଜ୍ଵର, ଝାଡ଼ା ସହ ଆଣ୍ଠୁଗଣ୍ଠି ବ୍ୟଥା ହେବାରୁ ଚାରିପଡ଼ା ସ୍ଥିତ ବାସଭଵନରେ ରହି ଚିକିତ୍ସିତ ହେଉଥିଲେ l ପରେ ତାଙ୍କୁ ଖଜୁରୀପଡ଼ା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି l ସ୍ବାସ୍ଥ୍ୟ ଅଧିକାରୀ ଡ଼ା. ଉତ୍ତମ କୁମାର ବିଶ୍ୱାଳ ଙ୍କ ତତ୍ତ୍ୱାବଧାନରେ ଏକ ଡାକ୍ତର ଟିମ୍ ଚିକିତ୍ସା କରୁଛନ୍ତି l ତାଙ୍କୁ ସମସ୍ତ ପ୍ରକାର ଉନ୍ନତ ମାନର ଚିକିତ୍ସା ଯୋଗାଇ ଦିଆଯାଇଛି ବୋଲି ଡ଼ ବିଶ୍ୱାଳ କହିଛନ୍ତି l ୭୮ ବର୍ଷ ବୟସ୍କା ପୂର୍ଣ୍ଣମାସୀଙ୍କ ସ୍ବାସ୍ଥ୍ୟ ଖରାପ ଶୁଣି ତାଙ୍କ ଅନୁଗାମୀ ଚିନ୍ତିତ ହୋଇଛନ୍ତି l ଖଜୁରୀପଡ଼ା ସମେତ କନ୍ଧମାଳ ଜିଲ୍ଲାର ଜନସାଧାରଣ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି l ବର୍ତ୍ତମାନ ପୂର୍ଣ୍ଣମାସୀଙ୍କ ସ୍ବାସ୍ଥ୍ୟ ଅବସ୍ଥାରେ ଉନ୍ନତି ହେଉଥିବା ଡାକ୍ତର ଖାନା ସୂତ୍ରରୁ ସୂଚନା ମିଳିଛି l