ଢେଙ୍କାନାଳ ଜିଲ୍ଲା ରେଡ୍‌କ୍ରସ୍ ଶାଖା ଓ ଜିଲ୍ଲା ରେଡ୍‌କ୍ରସ୍ ରାଫିଡ୍ ରେସ୍‌ପନ୍ସ ଗ୍ରୁପ ପକ୍ଷରୁ ଜିଲ୍ଲା ସ୍ତରୀୟ ବିଶ୍ଵ ରେଡ୍‌କ୍ରସ୍ ଦିବସ ପାଳିତ

Udaya_Labanya | May 10, 2022 | 20 views |0 | Breaking News

ଢେଙ୍କାନାଳ(ଉଲାପ୍ର)ସ୍ଥାନୀୟ କଂଟେଇକୋଳିଆସ୍ଥିତ ମହର୍ଷି ଦୟାନନ୍ଦ ସର୍ଭିସ୍‌ ମିଶନ ପରିସରରେ ଜରାନିବାସରେ ଢେଙ୍କାନାଳ ଜିଲ୍ଲା ରେଡ୍‌କ୍ରସ୍ ଶାଖା ଓ ଜିଲ୍ଲା ରେଡ୍‌କ୍ରସ୍ ରାପିଡ୍ ରେସ୍‌ପନ୍ସ ଗ୍ରୁପ୍ ପକ୍ଷରୁ ଜିଲ୍ଲାସ୍ତରୀୟ ବିଶ୍ଵ ରେଡ୍‌କ୍ରସ୍ ଦିବସ ପାଳିତ ହୋଇଯାଇଛି । ଢେଙ୍କାନାଳ ଜିଲ୍ଲା ରେଡ୍‌କ୍ରସ୍ ଶାଖା ଉପସଭାପତି ବିରଂଚି ନାରାୟଣ ପାଣିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଜିଲ୍ଲା ମୁଖ୍ୟ ଚିକିତ୍ସାଳୟର ଚକ୍ଷୁ ବିଶେଷଜ୍ଞ ଡା . ଅଭିମନ୍ୟୁ ଆଚାର୍ଯ୍ୟ , ମହର୍ଷି ଦୟାନନ୍ଦ ସର୍ଭିସ୍ ମିଶନର ସଂପାଦକ ପ୍ରଦୀପ କୁମାର ସାହୁ ଓ ରୋଟାରିଆନ୍ ରାଜ କିଶୋର ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ । ସମଗ୍ର ବିଶ୍ବରେ ମାନବବାଦ୍ ଶାନ୍ତି ଓ ମୈତ୍ରୀର ବାର୍ତା ପ୍ରଚାର କରୁଥିବା , ସର୍ବବୃହତ ସେବା ଅନୁଷ୍ଠାନ ‘ ‘ ରେଡ୍‌କ୍ରସ୍ ’ ’ ର ପ୍ରାଣ ପ୍ରତିଷ୍ଠାତା ହେନେରୀ ଡୁନାଂଟ୍‌ଙ୍କୁ ଶ୍ରଦ୍ଧା ସୁମନ ଅର୍ପଣ କରାଯାଇଥିଲା । ୧୮୨୮ ମସିହା ମଇ ୮ ତାରିଖରେ ସୁଇଜରଲାଣ୍ଡର ଜେନେଭା ସହରରେ ଜନ୍ମ ଗ୍ରହଣ କରିଥିବା ଏହି ଦୂରଦର୍ଶୀ , ନୋବେଲ ପୁରସ୍କାର ପ୍ରାପ୍ତ ସମାଜସେବୀ ‘ ‘ ସଲଫରିନୋ ’ ଯୁଦ୍ଧର ବିଭୀଷିକା , ମୃତାହତଙ୍କୁ ଦେଖୁ ସମଗ୍ର ବିଶ୍ବରେ ଶାନ୍ତି ପ୍ରତିଷ୍ଠା ପାଇଁ ପ୍ରଚେଷ୍ଟା କରିଥିଲେ ଓ ‘ ରେଡ୍‌କ୍ରସ୍ ’ ତାଙ୍କର ମାନସ ସନ୍ତାନ । ତାଙ୍କର ଆଦର୍ଶରେ ଅନୁପ୍ରାଣିତ ହେବା ଓ ସମସ୍ତ ସଂକୀର୍ଣ୍ଣତାରୁ ଉର୍ଦ୍ଧ୍ବରେ ରହି ‘ ବସୁଧୈବ କୁଟୁମ୍ବକ ’ ’ ନୀତିରେ ବିଶ୍ବ ଭାତୃତ୍ଵ ଓ ମାନବ ସେବାରେ ନିଜକୁ ଉତ୍ସର୍ଗ କରିବାକୁ ବକ୍ତାମାନେ ପରାମର୍ଶ ଦେଇଥିଲେ । ମାନବ ଜାତି ପ୍ରତି ସେବା ମନୋଭାବ , ଦୟା , କରୁଣା ଭାବ ପ୍ରକଟ କରିବା ସହ କ୍ଷୁଧା , ଦାରିଦ୍ର୍ୟ , ପ୍ରାକୃତିକ ଦୁର୍ବିପାକ , ମହାମାରୀ ଆଦି ସମୟରେ ରେଡ୍‌କ୍ରସ୍ ସ୍ଵେଚ୍ଛାସେବୀ ଅଗ୍ରଣୀ ଭୂମିକା ନିର୍ବାହ କରିଥାଏ ବୋଲି ଉପସଭାପତି ଶ୍ରୀଯୁକ୍ତ ପାଣି ପ୍ରକାଶ କରିଥିଲେ । ଏହି ଅବସରରେ ଜରାନିବାସ ଅନ୍ତେବାସୀମାନଙ୍କ ସ୍ୱାସ୍ଥ୍ୟ ପରୀକ୍ଷା ଚକ୍ଷୁ ପରୀକ୍ଷା , ଓଜନ , ପଲ୍ସ , ରକ୍ତଚାପ ଆଦି ପରୀକ୍ଷା କରାଯାଇ ଆବଶ୍ୟକ ଚିକିତ୍ସା ପରାମର୍ଶ ଦିଆଯାଇଥିଲା । ସମସ୍ତଙ୍କୁ ସ୍ଵାସ୍ଥ୍ୟ କାର୍ଡ ପ୍ରଦାନ କରାଯାଇଥିଲା । ସେମାନଙ୍କ ଦୈନନ୍ଦିନ ଶୃଙ୍ଖଳିତ ଜୀବନ ଚର୍ଯ୍ୟା ଓ ସନ୍ତୁଳିତ ଖାଦ୍ୟ ସଂପର୍କରେ ଡା.ଗୀତାଞ୍ଜଳି ତ୍ରିପାଠୀ ପରାମର୍ଶ ଦେଇଥିଲେ । ରେଡ୍‌କ୍ରସ୍‌ର ବରିଷ୍ଠ ପ୍ରସିକ୍ଷକ ଅକ୍ଷୟ ଜେନା ପରିଣତ ବୟସରେ ସୁସ୍ଥ ଓ ନିରୋଗ ଜୀବନଯାପନ ନିମନ୍ତେ ଯୋଗ ଓ ପ୍ରାଣାୟମର ଉପାଦେୟତା ସଂପର୍କରେ ପରାମର୍ଶ ଦେଇଥିଲେ । ପ୍ରତ୍ୟହ ସଂଧ୍ୟାରେ ଆଧମ୍ବିକ ଆଲୋଚନା , ଗୀତା ଭାଗବତ ପଠନ ଓ ଶ୍ରବଣ ନିମନ୍ତେ ବରିଷ୍ଠ ସଦସ୍ୟ ଶିବ ପ୍ରସାଦ ପଣ୍ଡା ପରାମର୍ଶ ଦେବା ସହ କିଛି ଆଧ୍ୟାତ୍ମିକ ପୁସ୍ତକ ପ୍ରଦାନ କରିଥିଲେ । ଅନ୍ୟତମ ସଦସ୍ୟା କବିତା ବେହେରା ଓ ରଶ୍ମିତା ରଥ ଅନ୍ତେବାସୀମାନଙ୍କୁ ପରିସ୍କାର ପରିଚ୍ଛନ୍ନ ରହିବା ପ୍ରେରଣା ଦେଇଥିଲେ ଓ ସେମାନଙ୍କୁ ଗୋଡ ଓ ହାତର ନଖ କାଟିଥିଲେ । ଦିଲ୍ଲୀପ ସାହାଣୀ , ଚିନ୍ମୟ ଜେନା , ସୁଜିତ୍ ନନ୍ଦ , ରାମେଶ୍ଵର ମାଇତି ପ୍ରମୁଖ ନୂତନ ବସ୍ତ୍ର , ଫଳ ଓ ମିଠା ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ନିହାର , ସୁଭାଶିଷ କାଦମ୍ବରୀ , ରୁନୁବାଳା , ବିକାଶ , ଦିପୁନା ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ସଂଧ୍ୟାରେ ଜିଲ୍ଲା ରେଡ୍‌କ୍ରସ୍ ରକ୍ତ ଭଣ୍ଡାର ପରିସରରେ ରେଡ୍‌କ୍ରସ୍ ରାପିଡ ରେସ୍‌ପନ୍ସ ଗ୍ରୁପ୍‌ର ସଦସ୍ୟମାନେ ବିଶ୍ଵ ରେଡ୍‌କ୍ରସ୍ ଦିବସ ଅବସରରେ କେକ୍ କାଟିବା ସହ ଏକ ରକ୍ତଦାନ ଶିବିର ଆୟୋଜନ କରିଥିଲେ । ରୋଟାରିଆନ୍ ରାଜକିଶୋର ବେହେରା ତାଙ୍କର ୯୧ତମ ରକ୍ତଦାନ କରି ଶିବିର ଉଦ୍‌ଘାଟନ କରିଥିଲେ । ଏହି ଶିବିରରେ ୧୧ୟୁନିଟ୍ ରକ୍ତ ସଂଗୃହୀତ ହୋଇଥିଲା ।

Share this
  •  
  •  
  •  
  •  
  •  
  •  
  •  

Related Posts

ଆଠଗଡ ସାହିତ୍ୟ ସମାଜ କବିତା ଆସର ଅନୁଷ୍ଠିତ

Udaya_Labanya | February 5, 2023 | 91 views |0

ଆଠଗଡ(ଉଲ୍ଲାପ୍ର )ଆଠଗଡ ସାହିତ୍ୟ ସମାଜର କବିତା ଆସର ସ୍ଥାନୀୟ ମହାତ୍ମାଗାନ୍ଧୀ ଇଂରାଜୀ ମିଡ଼ିଅମ ସ୍କୁଲ ଠାରେ ଅନୁଷ୍ଠିତ ହୋଇଯାଇଛି,ଉପସଭାପତି ସୁରେଶ ଚନ୍ଦ୍ର ପରିଡାଙ୍କ ସଭାପତିତ୍ୱ ରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ ଖୁଣ୍ଟୁଣୀ ରାଧାନାଥ ରଥ ବିଜ୍ଞାନ ମହାବିଦ୍ୟାଳୟର ଇତିହାସ ବିଭାଗ…

ଆବାସ ଯୋଜନା ଦୁର୍ନୀତି ନେଇ ତିଗିରିଆ ବ୍ଲକ…

Udaya_Labanya | February 4, 2023 | 15 views | 0

ତିଗିରିଆ (ଉଲ୍ଲାପ୍ର )କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନାକୁ ରାଜ୍ୟରେ ଶାସକ ଦଳ ଦଳୀୟ ଭିତିରେ ବାଣ୍ଟୁ ଥିବା ଯୋଗୁ ଏବେ ରାଜ୍ୟରେ ବିଜେପି ଦଳ ପ୍ରତି ବ୍ଲକ ଆଗରେ ଧାରଣା ଦେଉଛି, ଶନିବାର ଦିନ କଟକ ଜିଲ୍ଲା ଆଠଗଡ ନିର୍ବାଚନ…

Leave a Reply

Your email address will not be published. Required fields are marked *

Archives

Categories