ଅତୀତ କୀର୍ତ୍ତି ଓ ବର୍ତ୍ତମାନର ପରିସ୍ଥିତିକୁ ନେଇ ବ୍ରଜରାଜନଗର ରେ ଲଢେଇ କୁ ଓହ୍ଲାଇଛି କଂଗ୍ରେସ; ବ୍ରଜରାଜନଗର ରୁ ଆରମ୍ଭ ହେବ ପରିବର୍ତ୍ତନ ର ସ୍ୱର

Udaya_Labanya | May 26, 2022 | 91 views |0 | Breaking News


ବରଗଡ : (ସତ୍ୟ ନାରାୟଣ ପ୍ରଧାନ) ଅତୀତ ର କୀର୍ତ୍ତି ଓ ବର୍ତ୍ତମାନର ପରିସ୍ଥିତିକୁ ନେଇ ବ୍ରଜରାଜନଗର ରେ ଉପ ନିର୍ବାଚନ ଲଢେଇ କୁ ଓହ୍ଲାଇଛି ଭାରତୀୟ ଜାତୀୟ କଂଗ୍ରେସ ଏବଂ ବ୍ରଜରାଜନଗର ରୁ ଆରମ୍ଭ ହେବ ପରିବର୍ତ୍ତନ ର ସ୍ୱର ବୋଲି ବରିଷ୍ଠ କଂଗ୍ରେସ ନେତା,ପୁର୍ବତନ ମନ୍ତ୍ରୀ ତଥା ଉପ ନିର୍ବାଚନ ର ସଂଯୋଜକ ଜଗନ୍ନାଥ ପଟ୍ଟନାୟକ କହଛନ୍ତି । ଆଜି ସ୍ଥାନୀୟ ହୋଟେଲ ଗଣପତି ରେ ଜିଲ୍ଲା କଂଗ୍ରେସ ପକ୍ଷରୁ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଶ୍ରୀ ପଟ୍ଟନାୟକ କହିଥିଲେ ଯେ ସମଗ୍ର ବରଗଡ ଲୋକସଭା ନିର୍ବାଚନ ମଣ୍ଡଳୀ ରେ କଂଗ୍ରେସ ଅମଳରେ ହୋଇଥିବା ଉନ୍ନୟନ କାର୍ଯ୍ୟ ଯେଉଁଥିରେ କି ବଡ ବଡ କଳ କାରଖାନା ର ପ୍ରତିଷ୍ଠା ହୋଇଥିଲା ,ଆଜି ସେ ସବୁ ବିକ୍ରି ହୋଇଯାଇଅଛି କିମ୍ବା ବନ୍ଦ ହୋଇଯାଇଅଛି। ଆଜି ସ୍ଥାନୀୟ ସମସ୍ୟା କୁ ଉଭୟ ରାଜ୍ୟ ସରକାର ହେଉ କି କେନ୍ଦ୍ର ସରକାର ଅଣଦେଖା କରି କେବଳ ଅବାନ୍ତର କଥା ରେ ଲୋକଙ୍କୁ ଭୂୟାଁ ବୁଲାଉଛନ୍ତି ବୋଲି ଶ୍ରୀ ପଟ୍ଟନାୟକ ଅଭିଯୋଗ କରିଥିଲେ।ସେ ଆହୁରି କହିଥିଲେ ଯେ କେନ୍ଦ୍ର ସରକାର ୮ ବର୍ଷ ର ଶାସନ ମଧ୍ୟରେ ଚାଷୀ ଙ୍କ ଆୟ ଦ୍ଵିଗୁଣିତ ହେବ, ସମସ୍ତ ଲୋକଙ୍କ ବ୍ୟାଙ୍କ୍ ଖାତା ରେ ୧୫ ଲକ୍ଷ ଟଙ୍କା ଜମା ହେବ, କୋଟି କୋଟି ଯୁବକ ଙ୍କୁ ଚାକିରୀ ଦିଆଯିବ ,ଦେଶ ରୁ ଦୁର୍ନୀତି ଦୂର ହେବ ବୋଲି ହେଲେ ଆଜି ଦେଶ ରେ ସବୁଠୁ ବେଶୀ ବେକାରୀ ,ଚାଷୀ ସବୁଠି ହନ୍ତସନ୍ତ ଅବସ୍ଥା ରେ କେବଳ ଧର୍ମ ନାମରେ ଦେଶ ରେ ବିଭ୍ରାନ୍ତି ସୃଷ୍ଟି କରୁଛନ୍ତି। ସେହିଭଳି ରାଜ୍ୟ ସରକାର ସମଗ୍ର ରାଜ୍ୟ ରେ କଂଗ୍ରେସ ଅମଳରେ ଛିଡ଼ା କରାଇଥିବା କଳା କାରଖାନା କୁ ଶାଗ ମାଛ ଦରରେ ବିକ୍ରୀ କରିଦେଇଛୁ ନତୁବା ସରକାରୀ ଉଦାସୀନତା ଯୋଗୁଁ ସେଗୁଡିକ ବନ୍ଦ ହୋଇଯାଇଅଛି।ଫଳ ସ୍ୱରୁପ ଆଜି ରାଜ୍ୟ ରେ ମଧ୍ୟ ବେକାରୀ ସମସ୍ୟା ହୁ ହୁ ହୋଇ ବଢ଼ିଛି ତଥା ଦାଦନ ସମସ୍ୟା ଉଗ୍ର ରୂପ ଧାରଣ କରିଛି ବୋଲି ଶ୍ରୀ ପଟ୍ଟନାୟକ ଅଭିଯୋଗ କରିଥିଲେ। ଉଭୟ ରାଜ୍ୟ ଓ କେନ୍ଦ୍ର ସରକାର ଉଭୟେ ଘୋଷଣା କରିଥିଲେ ଯେ କୃଷି ଓ କୃଷକ ର ଉନ୍ନତି ହେବା ସହ ଆୟ ଦ୍ଵିଗୁଣିତ ହେବ ବୋଲି ନିର୍ବାଚନୀ ବୈତରଣୀ ପାରି ହୋଇଥିଲେ ହେଲେ ଆଜି କୃଷିକ୍ଷେତ୍ର ସମ୍ପୂର୍ଣ୍ଣ ଅବହେଳିତ ହୋଇଥିବା ବେଳେ କୃଷକ ତଳିତଳାନ୍ତ ହୋଇ କେବଳ ରାଜ ରାସ୍ତା ରେ ଆନ୍ଦୋଳନ କରୁଛି ଏବଂ ପୋଲିସ ର ଲାଠି ଖାଉଛି। ବ୍ରଜରାଜନଗର ର କୋଇଲା ଖଣି ର ଆଲୋକ ରେ ସମଗ୍ର ରାଜ୍ୟ ଆଲୋକିତ ହେଉଥିବା ବେଳେ ଆଜି ବ୍ରଜରାଜନଗର ବାସୀ ସମ୍ପୂର୍ଣ୍ଣ ଉପେକ୍ଷିତ । ସମଗ୍ର ଅଞ୍ଚଳ ରେ ଗୋଟିଏ ମଧ୍ୟ ସରକାରୀ ମହାବିଦ୍ୟାଳୟ ସରକାର ପ୍ରତିଷ୍ଠା କରି ନଥିବା ବେଳେ,ଆଜି ଯାଏ ଜନ ସାଧାରଣ ପିଇବା ପାଣି ମଧ୍ୟ ଠିକଠାକ ଭାବରେ ପାଇନାହାନ୍ତି। ଶିଳ୍ପ ପ୍ରତିଷ୍ଠା ତ ଦୂରର କଥା ଲାଭ ରେ ଚାଲୁଥିବା ଓରିଏଣ୍ଟ ପେପର ମିଲ ମଧ୍ୟ ବନ୍ଦ ହୋଇ ପଡ଼ିଛି। ଶ୍ରୀ ପଟ୍ଟନାୟକ କହିଥିଲେ ଯେ ହୁଏତ ଆମେ ଜନ ସାଧାରଣ ଙ୍କ ବହୁ ଗୁଡ଼ିଏ କାର୍ଯ୍ୟ କରି ପାରିନଥିବୁ ,ତାଙ୍କ ର ଅସ୍ଥା ଭାଜନ ହୋଇ ପାରିଲୁ ନାହିଁ, ବୋଲି ଆମେ ଆଜି ୨୨ ବର୍ଷ ରୁ ଉର୍ଦ୍ଧ୍ବ ହେଲା ସରକାର ରେ ନାହୁଁ କିନ୍ତୁ ଏଇଟା ସତ ଯେ ବ୍ରଜରାଜନଗର ହେଉ କି ବରଗଡ ହେଉ ଯାହା ବି କଳା କାରଖାନା ଥିଲା ସବୁ କଂଗ୍ରେସ ଅମଳରେ ହୋଇଛି ,ଆଜି ଏମାନେ ତାହା ବିକ୍ରି କରିଦେଇଛନ୍ତି ବା ସେଗୁଡିକ ବନ୍ଦ ହୋଇ ପଡ଼ିଛି। ସେ ଆହୁରି କହିଥିଲେ ଯେ ଆଜି ଓଡିଶା ର ଜୀବନ ରେଖା ମହାନଦୀ ସମ୍ପୂର୍ଣ୍ଣ ଶୁଷ୍କ ହୋଇ ପଡିଥିବା ବେଳେ ସେପଟେ ଛତିଶଗଡ଼ ରେ ମହାନଦୀ ପାଣି ଉଛୁଳୁଛି। ଏହି ବିଷୟ ର ଏବେ ଟ୍ରିବୁନାଲ ଅଧୀନରେ ଥିବା ବେଳେ ଟ୍ରିବୁନାଲ ବି ନୀରବ ଥିବା ବେଳେ ଉଭୟ ରାଜ୍ୟ ଓ କେନ୍ଦ୍ର ସରକାର ମଧ୍ୟ ତତ୍ୱରତା ପ୍ରକାଶ କରୁନାହାନ୍ତି। ଏହି ବିଷୟ ରେ ଦଳୀୟ ରାଜନୀତି ରୁ ଉର୍ଦ୍ଧ୍ବ ରେ ଉଠି ସମସ୍ତେ ଏକ ହୋଇ ଲଢେଇ କରିବା ଜରୁରୀ ଅଟେ। ଛତିଶଗଡ଼ ରେ କଂଗ୍ରେସ ଦଳର ସରକାର ଅଛି ଓ ଆମ ମୂଖ୍ୟମନ୍ତ୍ରୀ ନଦୀ ର ଜଳ ନିଷ୍କାସନ ର ବିଧି ବ୍ୟବସ୍ଥା ଅନୁଯାୟୀ ସହଯୋଗ କରିବେ ବୋଲି ଘୋଷଣା କରିଛନ୍ତି। ତେଣୁ ସମସ୍ତେ ଗୋଟିଏ ଟେବୁଲ ରେ ବସି ଆଲୋଚନା କରିବା ଜରୁରୀ ବୋଲି ସେ କହିଛନ୍ତି। ଏହି ସବୁ ବିଷୟ କୁ ନଜର ରେ ରଖିଲେ ଜନ ସାଧାରଣ ଙ୍କ ଆକ୍ରୋଶ ର ଶିକାର ଉଭୟ ଦଳ ହେବେ ଓ କଂଗ୍ରେସ ବିଜୟୀ ହେବ ବୋଲି ସେ ଦୃଢୋକ୍ତି ପ୍ରକାଶ କରିଥିଲେ। ଉଭୟ ବିଜେଡି ଓ ବିଜେପି ର ଅର୍ଥବଳ ଆଗରେ କଂଗ୍ରେସ କେମିତି ଜିତିବ ବୋଲି ସାମ୍ବାଦିକ ମାନଙ୍କ ପ୍ରଶ୍ନ ର ଉତ୍ତର ରେ ଶ୍ରୀ ପଟ୍ଟନାୟକ କହିଥିଲେ ଯେ ଅତୀତ ରେ କଂଗ୍ରେସ କରିଥିବା କାର୍ଯ୍ୟ ଓ ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ହିଁ ଆମେ ଆଶା କରୁଛୁ ଯେ ଆମେ ନିଶ୍ଚୟ ଜିତିବୁ ବୋଲି ଶ୍ରୀ ପଟ୍ଟନାୟକ ଦୃଢ଼ୋକ୍ତି ପ୍ରକାଶ କରିଥିଲେ। ଏହି ସାମ୍ବାଦିକ ସମ୍ମିଳନୀରେ ବରଗଡ ଜିଲ୍ଲା କଂଗ୍ରେସ କମିଟି ସଭାପତି ନିହାର ରଞ୍ଜନ ମହାନନ୍ଦ ମଞ୍ଚାସିନ ଥିଲେ।ଅନ୍ୟ ମାନଙ୍କ ମଧ୍ୟରେ କଂଗ୍ରେସ ନେତା ନିପନ ଦାଶ,ବ୍ରହ୍ମା ମହାକୁର,ସରୋଜ ଷଡ଼ଙ୍ଗୀ, ପାଣ୍ଡବ କର୍ଣ୍ଣ, ଅନନ୍ତ ତାଣ୍ଡି, ସୁଧୀର ଜେନା,ଦେବୁ ସ୍ବାଇଁ ପ୍ରମୁଖ ଉପସ୍ଥିତ ଥିଲେ।

Share this
  •  
  •  
  •  
  •  
  •  
  •  
  •  

Related Posts

ଆଦିବାସୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଭିଭାବକ ଶିକ୍ଷକ…

Udaya_Labanya | January 28, 2023 | 1 views |0

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡ଼ା ସ୍ଥିତ ଆଦିବାସୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଭିଭାବକ ଶିକ୍ଷକ ସଂଘ ବୈଠକ ଅନୁଷ୍ଠିତ ହୋଇଯାଇଛି। ରାଜ୍ୟ ସରକାରଙ୍କ ଗଣଶିକ୍ଷା ବିଭାଗ କମିଶନର ଓ ପ୍ରମୁଖ ସଚିବଙ୍କ ପତ୍ର କ୍ରମେ ଅଧ୍ୟକ୍ଷ କାର୍ତ୍ତିକ ଚନ୍ଦ୍ର…

ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିର ଉଦଯାପିତ

Udaya_Labanya | January 28, 2023 | 2 views | 0

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡ଼ା ସ୍ଥିତ ଆଦିବାସୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ଚାଲିଥିବା ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିର ଦୁଇଟି ପର୍ଯ୍ୟାୟରେ ଆୟୋଜିତ ହୋଇ ଉଦଯାପିତ ହୋଇଯାଇଛି।ସଂଯୁକ୍ତା ନାୟକ ଏହି କାର୍ଯ୍ୟକ୍ରମର ସଂଯୋଜିକା ଥିବା ବେଳେ ଅଧ୍ୟକ୍ଷ କାର୍ତ୍ତିକ…

Leave a Reply

Your email address will not be published. Required fields are marked *

Archives

Categories