ଲୁହା ଶିକୁଳି ରେ ବନ୍ଧା ହୋଇ ବିତୁଛି ତିନି ଜଣଙ୍କ ଜୀବନ, ସରକାରୀ ସହାୟତା ମିଳୁନି

ଫୁଲବାଣୀ (ସୁନୀଲ ପଟନାୟକ )
ଜଣେ କି ଦୁଇ ଜଣ ନୁହେଁ ତିନି ତିନି ଜଣ ଙ୍କୁ ଗୋଡ ରେ ବେଡି ପକାଇ ରଖିବାକୁ ପଡ଼ିଛି ପରିବାର ଲୋକଙ୍କୁ l ଏଭଳି ଖବର ଆସିଛି ଟିକାବାଲି ବ୍ଲକ ଅନ୍ତର୍ଗତ ପାଡ଼ଙ୍ଗୀ ପଂଚାୟତ ରେ l ପାଡ଼ଙ୍ଗୀ ପଂଚାୟତ ର ବରସାହି ରେ କୁନ୍ତୀ ଲତା ପ୍ରଧାନ ଙ୍କ ଝିଅ ମମିତା ପ୍ରଧାନ I ମମୀତା ଯୁକ୍ତ ୨ ରେ ପାଠ ପଢୁଥିଲେ l ହଟାତ ମାନସିକ ଭାରସାମ୍ୟ ହରାଇବା ପରେ ପାଠ ପଢ଼ାରେ ଡୋରି ଲାଗିଛି ମମୀତା ଙ୍କ ର lପରିବାରଲୋକେ ଫୁଲବାଣୀ ସମେତ ଅନ୍ୟାନ୍ୟ ଡାକ୍ତର ଖାନା ରେସାଧ୍ୟ ମତେ ଝିଅର ଚିକିତ୍ସା କରିଥିଲେ ହେଲେ ଭଲ ହୋଇନଥିଲେ ମମିତା l କେବଳ ମମୀତା ଏକା ନୁହଁନ୍ତି ସେହି ସାହିର ଅଟଳ ପ୍ରଧାନ ନାମକ ଜଣେ ବ୍ୟକ୍ତି ଦୀର୍ଘବର୍ଷ ହେଲା ମାନସିକ ରୋଗ ରେ ଆକ୍ରାନ୍ତହେବା ଦ୍ୱାରା ତାଙ୍କୁ ମଧ୍ୟ ପରିବାରଲୋକେ ଗୋଡ଼ରେ ବେଡି ପକାଇ ରଖିଛନ୍ତି l ସେହିପରି ପାଙ୍ଗନାଯୁ ର ନମିତା ବେହେରା ନାମକ ଜଣେ ମହିଳା ମଧ୍ୟ ଦୀର୍ଘ ବର୍ଷ ଧରି ମାନସିକ ରୋଗରେ ଆକ୍ରାନ୍ତ ହୋଇ ପଡିବାରୁ ତାଙ୍କୁ ମଧ୍ୟ ଗୋଡ଼ରେ ଲୁହା ଶିକୁଳି ବାନ୍ଧି ରଖାଯାଇଛି l ଡାକ୍ତର ଦେଖାଇଲେ ଭଲ ହେଲାନି ବୋଲି କହିଛନ୍ତି ପରିବାର ଲୋକେ l ଫଳରେ ଏହି ତିନିଜଣ କୁ ବହୁକଷ୍ଟରେ ପାଳୁଛନ୍ତି ପରିବାର ଲୋକେ l ସରକାରଙ୍କ ପକ୍ଷ ରୁ ଭତା ଟଙ୍କା ଓ ଚାଉଳ ଗଣ୍ଡାକ ମିଳୁଛି l ସେତିକିରେ ଚାଲିବା ମୁସ୍କିଲ ବୋଲି ପରିବାର ଲୋକେ କହୁଛ ନ୍ତି l
ତେବେ ଏମାନେ କାହାର ସେଭଳି କିଛି ଅସୁବିଧା ସୃଷ୍ଟି କରନ୍ତିନି l
ପାଡ଼lଙ୍ଗୀ ପଂଚାୟତ ର ମମୀତା, ନମିତା ଓ ଅଟଳଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଆବଶ୍ୟକ ଚିକିତ୍ସା ସୁବିଧା ଯୋଗାଇ ଦେଲେ ହୁଏତ ପୂର୍ବଭଳି ସ୍ୱାଭାବିକ ଜୀବନ ଯାପନ କରିପାରନ୍ତେ ବୋଲି ପରିବାର ଲୋକେ ଓ ଗ୍ରାମବାସି କହିଛନ୍ତି l
ଏ ନେଇ ମତାମତ ନେବା ପାଇଁ ଟିକାବାଲି ବିଡ଼ିଓ ଙ୍କୁ ଯୋଗାଯୋଗ କରିଥିଲୁ ତେବେ ସମ୍ଭବ ହୋଇନଥିଲା l ତେବେ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ବିଶ୍ୱରଂଜନ ନାୟକ ଘଟଣା ର ଅନୁଧ୍ୟାନ କରିବାପରେ ସରକାରୀ ନୀତି ନିୟମ ଅନୁଯାୟୀ ଯଥା ସମ୍ଭବ ସହାୟତା କରାଯିବ ବୋଲି କହିଛନ୍ତି l