ରାହୁଳ ନଦୀରୁ ଶ୍ରମିକଙ୍କ ମୃତଦେହ ଉଦ୍ଧାର

Udaya_Labanya | November 6, 2022 | 11 views |0 | Breaking News


ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ତୁମୁଡିବନ୍ଧ ବ୍ଲକ ଅଞ୍ଚଳର ଜାଲେଶପଟ୍ଟା ଗ୍ରାମ ନିକଟ ରାହୁଲ ନଦୀରୁ ଜଣେ ଯୁବକଙ୍କ ମୃତ ଶବକୁ ରବିବାର ଦିନ ପୂର୍ବାହ୍ନରେ ତୁମୁଡିବନ୍ଧ ପୋଲିସ ଉଦ୍ଧାର କରିଛି l ମୃତ ବ୍ୟକ୍ତିଙ୍କ ନାମ କିଶୋର ଭୋଇ ସେ କଳାହାଣ୍ଡି ଜିଲ୍ଲା ରେଗାଡା ଗ୍ରାମର ବୋଲି ଜଣାପଡିଛି l ସୂଚନା ଅନୁଯାଇ ତୁମୁଡିବନ୍ଧ ଆଦର୍ଶ ବିଦ୍ୟାଳୟର ଏକ ହଷ୍ଟେଲ କୋଠା ନିର୍ମାଣ ପାଇଁ ଦୈନିକ ଶ୍ରମିକ ଭାବେ ସମ୍ପୃକ୍ତ ଠିକାଦାରଙ୍କ ଜରିଆରେ ଆସିଥିଲେ l ତେବେ ଗତ ୪ ତାରିଖ ସକାଳ ୧୦ ଟାରେ ଘରକୁ ଯିବାକୁ କହି ସୁପରଭାଇଜରଙ୍କ ଠାରୁ ୨ ହଜାର ଟଙ୍କା ମାଗିବାପରେ ସେ ଘରକୁ ବାହାରିଥିଲେ l କିନ୍ତୁ ଆଦର୍ଶ ବିଦ୍ୟାଳୟ କୁ ଲାଗି ରହିଥିବା ରାହୁଲ ନଦୀ ତୁଠରେ ରବିବାର ସକାଳ ୮ ଘଣ୍ଟିକା ସମୟରେ ଯୁବକଙ୍କ ଶବ ଭାଷମାନ ଅବସ୍ଥାରେ ଆସୁଥିବା ବେଳେ ତାଙ୍କ ସହକର୍ମୀ ଦେଖି ପୋଲିସ କୁ ଜଣେଇବାପରେ ପୋଲିସ ଆସି ଶବ କୁ ଉଦ୍ଧାର କରିଛି l ତେବେ ଏହା ପ୍ରକୃତରେ ଦୁର୍ଘଟଣା ଜନିତ ମୃତ୍ୟୁ ନା ସୁପରିକଳ୍ପିତ ହତ୍ୟା ଏହାକୁ ନେଇ ସ୍ଥାନୀୟ ଅଞ୍ଚଳରେ ଭିନ୍ନ ଭିନ୍ନ ଚର୍ଚ୍ଚା ଚାଲିଥିବା ବେଳେ ଶବ ବ୍ୟବଚ୍ଛେଦ ଓ ତଦନ୍ତ ପରେ ସତ୍ୟାସତ୍ୟ ଜଣାପଡିବ ବୋଲି ତୁମୁଡିବନ୍ଧ ଥାନା ଭାରପ୍ରାପ୍ତ ଅଧିକାରୀ ଜୟନ୍ତ ସେଠୀ କହିଛନ୍ତି l ସହକର୍ମୀଙ୍କ ଦ୍ୱାରା ତୁମୁଡିବନ୍ଧ ଥାନାରେ ଏକ ମାମଲା ଦାଏର ହୋଇଛି ଏବଂ ଏହି ମାମଲାକୁ ଆଧାର କରି ତଦନ୍ତ ଜାରୀ ରହିଥିବା ସ୍ଥାନୀୟ ପୋଲିସ ସୂଚନା ଦେଇଛି l ଶବ ବ୍ୟବଚ୍ଛେଦ ନିମନ୍ତେ ତୁମୁଡିବନ୍ଧ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଶବକୁ ପଠା ଯାଇଛି l

Share this
  •  
  •  
  •  
  •  
  •  
  •  
  •  

Related Posts

ଆଜି ବିଶ୍ୱ ଏଡ଼ସ ଦିବସ କନ୍ଧମାଳ ରେ୨୫୫…

Udaya_Labanya | December 1, 2022 | 3 views |0

ଫୁଲବାଣୀ (ସୁନୀଲ ପଟନାୟକ )ଜନ ସଚେତନତା ବଢିବା ଯୋଗୁଁ ଏବେ ଆଗଭଳି ଏଡ଼ସ ରୋଗ ବ୍ୟାପୁନାହିଁ ଆଉ ତତସହିତ ମୃତ୍ୟୁ ହାର ମଧ୍ୟ ଢେର କମିଛି ବୋଲି ଗୁରୁବାର ଫୁଲବାଣୀ ମୁଖ୍ୟ ଡାକ୍ତର ଖାନା ପରିସର ରେ ବିଶ୍ୱ ଏଡ଼ସ ଦିବସ…

ବିଦ୍ୟାଳୟରେ ଶ୍ରେଣୀଗୃହ ନାହିଁ,ବାରଣ୍ଡାରେ ପାଠ ପଢା

Udaya_Labanya | December 1, 2022 | 5 views | 0

ଫୁଲବାଣୀ(ସୁନୀଲ ପଟନାୟକ )ସରକାର ଶିକ୍ଷାର ବିକାଶପାଇଁ ପର୍ଯ୍ୟାପ୍ତ ଅର୍ଥ ଖର୍ଚ କରୁଛନ୍ତି, ପିଲାମାନେ ଯେପରି ସ୍କୁଲ ମୁହଁ । କରିବାଲାଗି ବହିପତ୍ର ଠୁ ଆରମ୍ଭ କରି ମଧ୍ୟାହ୍ନ ଭୋଜନ,ପୋଷାକ, ଜୋତା ଆଦି ମାଗଣାରେ ପ୍ରଦାନ କରୁଛନ୍ତି। ହେଲେ କନ୍ଧମାଳ ଜିଲ୍ଲାର କେତେକ…

Leave a Reply

Your email address will not be published. Required fields are marked *

Archives

Categories