କଟକ (ପ୍ରିୟବ୍ରତ ପଟ୍ଟନାୟକ )ଆମ ଇତିହାସ ଆମ ସମ୍ମାନ ।ଆମ ସଂସ୍କୃତି ଆମ ସମ୍ମାନ ।ଆମ ମନ୍ଦିର ଆମ ସମ୍ମାନ । ଏହି ବାର୍ତ୍ତା ନେଇ ତଥା ଓଡିଶାର ଐତିହ୍ୟ, ସଂସ୍କୃତି ଓ ପରମ୍ପରାର ପ୍ରଚାର ଓ ପ୍ରସାର କରିବା ଲକ୍ଷ ରଖି, ଆଡଭାନ୍ସ ଏ ଟୁ ଜେଡ୍ ସଲ୍ୟୁସନ୍ ପ୍ରାଇଭେଟ୍ ଲିମିଟେଡ କମ୍ପାନୀ ଏକ ବାର୍ତ୍ତା ବାହକ ବୋଇତ ନିର୍ମାଣ କରି କାର୍ତ୍ତିକ ପୂର୍ଣ୍ଣିମା ପୂର୍ଣ୍ଣିମାରେ ଗଡଗଡିଆ ଘାଟରେ ଭାସାଇବେ ବୋଲି ସୁଚନା ମିଳିଛି।

ଏହି ବୋଇତର ଲମ୍ବା -୧ ୫ଫୁଟ, ଚଉଡ଼ା -୪ ଫୁଟ୍ ଓ ଉଚ୍ଚତା ୧୨ ଫୁଟ। ଏହି ବୋଇତରେ କାଠ ବିଟ, ପ୍ଲାଏ, ସୋଲ, ବାଉଁଶ ଓ ରଙ୍ଗ ବ୍ୟବହାର ହୋଇଥିବା ବେଳେ, ବୋଇତଟିକୁ ୧୦ ଜଣ କାରିଗର ଓ କର୍ମୀ ମାନେ ମିଶି ନିର୍ମାଣ କରାଇଥିଲେ। ଏଥିପାଇଁ ତାଙ୍କୁ ୧୫ ଦିନ ସମୟ ଲାଗିଥିଲା ବୋଲି ସୁଚନା ଦେଇଛନ୍ତି କମ୍ପାନୀର ମ୍ୟାନେଜିଂ ଡାଇରେକ୍ଟର ବିନୟ କୁମାର ଦାସ । ବୋଇତ ଉପରେ ପୁରୀ ଜଗନ୍ନାଥ ମନ୍ଦିରର ଦୃଶ୍ୟ ଦେଖିବାକୁ ମିଳିବ। ବୋଇତ ବନ୍ଦାଣର ମହାତ୍ମ୍ୟ ଓ ଏହାର ଇତିହାସର ପ୍ରଚାର ପ୍ରସାର କରିବା ସହିତ, ଐତିହ୍ୟ ସଂସ୍କୃତି ଓ ପରମ୍ପରାକୁ ବଞ୍ଚାଇବା ପାଇଁ ଚେଷ୍ଟା ସମସ୍ତେ କରିବା ଉଚିତ୍ ବୋଲି ମତ ପୋଷଣ କରିଛନ୍ତି ବିନୟ ବାବୁ ।

କଟକରୁ ପ୍ରିୟବ୍ରତ ପଟ୍ଟନାୟକଙ୍କ ରିପୋର୍ଟ୍