ତୁମୁଡିବନ୍ଧ ସିର୍ଲା ପଞ୍ଚାୟତ ରେ ଶତାଧିକ ଲୋକ ବିଜେଡିରେ ମିଶିଲେ

ଫୁଲବାଣୀ
ନବୀନ ସରକାର ଙ୍କ ସ୍ୱଚ୍ଛ ଶାସନ , ବିଭିନ୍ନ ଉନ୍ନୟନ ଯୋଜନା ଗୁଡିକୁ ଘରେ ଘରେ ପହଞ୍ଚାଇବା ପାଇଁ ଜନସମ୍ପର୍କ ପଦଯାତ୍ରା ମାଧ୍ୟମରେ ବିଜୁ ଜନତା ଦଳ ପ୍ରୟାଶ ଜାରି ରଖିଛି । ଗାଁ ଠୁ ସହର ସବୁଠି ନବୀନ ସରକାରଙ୍କ ସଫଳ ଯୋଜନାହିଁ ଲୋକଙ୍କୁ ବିଜୁ ଜନତା ଦଳ ଉପରେ ଅଧିକ ଭରସା ଏବଂ ବିଶ୍ୱାସ ସୃଷ୍ଟି କରିଛି । ଫଳରେ ପ୍ରଭାବିତ ହୋଇ କନ୍ଧମାଳ ଜିଲ୍ଲା ତୂମୁଡିବନ୍ଧ ବ୍ଲକ ସିର୍ଲା ପଞ୍ଚାୟତ ର ଶତାଧିକ କଂଗ୍ରେସ ଏବଂ ବିଜେପି କର୍ମୀ ନିଜ ନିଜ ଦଳ ଛାଡି ଆଜି ବିଜେଡି ରେ ଯୋଗଦେଇଛନ୍ତି l
ଜନ ସମ୍ପର୍କ ଯାତ୍ରାରେ ମୁଖ୍ୟ ଅତିଥି ରୂପେ କନ୍ଧମାଳ ଜିଲା ପର୍ଯ୍ୟବେକ୍ଷକ ବିଜୟ ନାୟକ ଯୋଗ ଦେଇ ନୂତନ ଭାବେ ଯୋଗ ଦେଇଥିବା ବିଜେପି ଏବଂ କଗ୍ରେସକର୍ମୀ ଙ୍କୁ ଉତ୍ତରିୟ ଦେଇ ସ୍ୱାଗତ କରିଥିଲେ । ତେବେ ଏହି କାର୍ଯ୍ୟକ୍ରମରେ ବାଲିଗୁଡାର ପୂର୍ବତନ ବିଧାୟକ ରାଜୀବ ପାତ୍ର ଯୋଗ ଦେଇ ଅଧିକ ରୁ ଅଧିକ କର୍ମୀ ଯୋଗଦେଲେ ଦଳ ମଜଭୁତ ହେବ ବୋଲି କହିଥିଲେ l
ସେହିପରି ଉପସ୍ଥିତ ଲୋକଙ୍କୁ ବିଜୁ ଜନତା ଦଳ ର ଆଭିମୁଖ୍ୟ ଉପରେ ଆଲୋକପାତ କରିଥିଲେ । ଏହା ସହ ବିଧାୟକ ରାଜୀବ ପାତ୍ର ସିର୍ଲା ପଞ୍ଚାୟତ ରେ ନିଜେ ବିଧ୍ୟାୟକ ଥିବା ସମୟରେ ଅନେକ ଗ୍ରାମକୁ ରାସ୍ତା ସଂଯୋଗ ନିମନ୍ତେ ସରକାରଙ୍କୁ ଚିଠି ଲେଖି ଅବଗତ କରାଇଥିଲେ । ଯାହାର ଫଳସ୍ୱରୂପ ଆଜି ପୂର୍ବତନ ବିଧାୟକ ରାଜୀବ ପାତ୍ର ଏବଂ ବର୍ତ୍ତମାନ ର ବାଲିଗୁଡା ବିଧାୟକ ଚକ୍ରମଣି କଂହର ଙ୍କ ସଫଳ ଉଦ୍ୟମରେ ପ୍ରତ୍ୟେକ ଗ୍ରାମକୁ ସଂଯୋଗୀ କରଣ କାର୍ଯ୍ୟ ଯୋର ସୋର ରେ ଚାଲିଛି । ଏହି ଅବସରରେ ବାଲିଗୁଡା ବିଧ୍ୟାୟକ ଚକ୍ରମଣି କଂହର , ତୂମୁଡିବନ୍ଧ ବ୍ଲକ ସଭାପତି ତଥା ସାଂସଦ ପ୍ରତିନିଧି ପ୍ରମୋଦ ସାହୁ , ପଞ୍ଚାୟତ ସମିତି ଅଧକ୍ଷା ବାସନ୍ତି ମାଝୀ, ଜିଲା ପରିଷଦ ସଭ୍ୟ ନବୀନ ପାତ୍ର , ଅଶୋକ ପାତ୍ର , ବଙ୍ଗାଳି ବଡ଼ସେଠ ,ଜିସାୟ ମଣ୍ଡଳ, ସିର୍ଲା ସରପଞ୍ଚ ନୃସୁଙ୍ଗା ପାଟମାଝୀ , ପ୍ରମୁଖ ଉପସ୍ଥିତ ଥିଲେ ।