ସନାତନ ଧର୍ମ ସମ୍ମିଳନୀ ଉଦ୍‌ଯାପିତ

Udaya_Labanya | December 25, 2022 | 28 views |0 | Breaking News

ଢେଙ୍କାନାଳ (ଉଲ୍ଲାପ୍ର )ଠାକୁର ଶ୍ରୀ ଶ୍ରୀ ଅଭିରାମ ପରହଂସ ଦେବଙ୍କ ଢେଙ୍କାନାଳ ଜିଲ୍ଲା ସ୍ତରୀୟ ଭକ୍ତଗୋଷ୍ଠୀଙ୍କ ଦ୍ବାରା ସ୍ଥାନୀୟ ମ୍ୟୁନିସିପାଲିଟି କଲ୍ୟାଣ ମଣ୍ଡପ ଠାରେ ପାଳିତ ହେଉଥିବା ତ୍ରିଦିବସୀୟ ୧୮ଶ ତମ ବାର୍ଷିକ ଉତ୍ସବ ଓ ସନାତନ ଧର୍ମ ସମ୍ମିଳନୀ ୨୪ ତାରିଖରେ ଉଦ୍‌ଯାପିତ ହୋଇଯାଇଛି । ଜଗତ୍‌ଗୁରୁ ଠାକୁର ଅଭିରାମ ପରମହଂସ ଦେବ ୩୧ତମ ଅବତାର ରୂପେ ଧରାଧାମରେ ଅବତରଣ କରି କଳିହଳ ମାନବର ମୋହ , ମାୟା , ଛନ୍ଦ , କପଟ , ହିଂସାକୁ ସଂପୂର୍ଣ୍ଣ ରୂପେ ଐଶୀ ଅବତାରୀ ପୁରୁଷ ରୂପେ ଧ୍ବଂସ କରି ମାନବର ସୁପ୍ତ ଚେତନାକୁ ଜାଗ୍ରତ ପୂର୍ବକ ଶାନ୍ତି , ଦୟା , କ୍ଷମା , ଧୈର୍ଯ୍ୟ ଓ ଅହିଂସା ମାର୍ଗକୁ ପ୍ରତିବାଦନ କରି ସନ୍ଦେହରେ ଓଡିଶାର ବିଭିନ୍ନ ଅଂଚଳର ଏହି ପୂଣ୍ୟ ଭୂମିରେ ବହୁଲୀଳା ପ୍ରଦର୍ଶନ କରିଯାଇଛନ୍ତି । ଓଡିଆ ଭାଷା ସଂସ୍କୃତିକୁ ବଢାଇବାରେ ଠାକୁରଙ୍କର ଅନେକ ଅବଦାନ ରହିଛି । ସେ ଏକାଧାରରେ ଜଣେ କବି , ଲେଖକ , ସମାଜ ସଂସ୍କାରକ ସ୍ବାଧୀନତା ସଂଗ୍ରାମୀ ସହିତ ଜାତି ବର୍ଣ୍ଣ , ଧର୍ମ ନିର୍ବିଶେଷରେ ସମସ୍ତଙ୍କ ପ୍ରତି ସମାନ ଭାବାପର୍ଣ୍ଣ ମନୋବୃତି ନେଇ ଗତି କରୁଥିଲେ , ଯେଉଁଥ୍ ପାଇଁ ହିନ୍ଦୁ ବ୍ୟତୀତ ମୁସଲମାନ , ଖ୍ରୀଷ୍ଟିୟାନ , ଶିଖ ପ୍ରଭୃତି ସମ୍ପ୍ରଦାୟରୁ ତାଙ୍କର ଶରଣାଗତ ହୋଇ ତାଙ୍କ ଠାରୁ ଦୀକ୍ଷା ଗ୍ରହଣ କରିଥିଲେ ଓ ଏ ଅବଧୂ ତାଙ୍କର ବଂଶଧରମାନେ ତାଙ୍କୁ ପୂଜା କରୁଛନ୍ତି ଓ ଠାକୁରଙ୍କ ମୂଳ ଆଶ୍ରମ ଶକ୍ତିଧାମ କରମଳା , ପୁରୀକୁ ଆସି ବାର୍ଷିକ ଉତ୍ସବ ଜନ୍ମଦିନ ତଥା ଅନ୍ୟଦିନମାନଙ୍କରେ ସେବା ପୂଜାରେ ନିଜକୁ ନିୟୋଜିତ କରୁଛନ୍ତି । ସ୍ଥାନୀୟ ମ୍ୟୁନିସିପାଲିଟି କଲ୍ୟାଣ ମଣ୍ଡପ ଠାରେ ୨୨ ତାରିଖରୁ ୨୪ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିବା ସମ୍ମିଳନୀରେ ଠାକୁରଙ୍କ ନଗର କୀର୍ତନ ସହ ପରିକ୍ରମା , ସିଂହାସନ ବିଜେ , ଷୋଡଶୋପଚାର ପୂଜା ସହ ପ୍ରବଚନ ମାଧ୍ୟମରେ ସନାତନ ଧର୍ମ ଉପରେ ବିଶେଷ ବକ୍ତବ୍ୟ ପ୍ରଦାନ କରି କଲ୍ୟାଣ ମଣ୍ଡପ ପରିସରକୁ ଏକ ସୁବର୍ଣ୍ଣ ଆଧ୍ୟାତ୍ମିକ ପରିବେଶରେ ପରିଣତ କରିଦେଇଥିଲେ । ଏଥିରେ ଯୋଗ , ଧାନ , ଗୁରୁଙ୍କ ଆବଶ୍ୟକତା , ଭଗବତ୍ ତତ୍ଵ ଉପରେ ବିସ୍ତୃତ ଆଲୋଚନା କରିଥିଲେ । ଏହି ଦିବ୍ୟ ଭଗବତ୍ ଚେତନା କାର୍ଯ୍ୟକ୍ରମରେ ପୁରୀ ଜିଲ୍ଲା ଶକ୍ତିଧାମ କରମଳା ଆଶ୍ରମରୁ ପୂଜା ବାବାଜୀ ଶେଷଦେବ ଦାସ , ବାବାଜୀ ଦେ ଦାସ , ବାବାଜୀ ହରିଶଙ୍କର ଦାସ , ବାବାଜୀ ରତ୍ନାକର ଦାସ , ବାବାଜୀ ଚିନ୍ମୟାନନ୍ଦ ଦାସ , ବାବାଜୀ ରାଧାରମଣ ଦାସଙ୍କ ସହିତ ଚାରଣ ଇଂ . ପାର୍ଥ ସାରଥୀ ମହାନ୍ତି , ପ୍ରବଚନ ପ୍ରଦାନ କରିଥିଲେ ଏବଂ ଏଥିରେ ବିଶେଷ ଅତିଥ ଭାବେ ପୁରୀ ଜିଲ୍ଲା ହରିହରା ନନ୍ଦ ଗୁରୁକୁଳ ଆଶ୍ରମର ବରିଷ୍ଠ ସନ୍ୟାସୀ ସାମୀ ଆଞ୍ଜନେୟା ନନ୍ଦ ଗିରି ଓ ବ୍ରହ୍ମଚାରୀ ଦିବ୍ୟାନନ୍ଦଜୀ ଯୋଗଦେଇଥିଲେ । ଶେଷରେ ଜଗତର କଲ୍ୟାଣ ପାଇଁ ଠାକୁରଙ୍କ ଜୟଧୂନୀରେ ଆଶୀର୍ବାଦ କାମନା ପୂର୍ବକ ଉଦଣ୍ଡ କୀର୍ତନ କରାଯାଇ ଜିଲ୍ଲା ସ୍ତରୀୟ ଭକ୍ତଗୋଷ୍ଠୀର ସମସ୍ତ ଭକ୍ତବୃନ୍ଦ ଓ କର୍ମକର୍ତା ସଫଲ୍ୟ ମଣ୍ଡିତ କରିଥିଲେ ବୋଲି ସଭାପତି ସୁଧାକର ଜେନା ଓ ସମ୍ପାଦକ ହୃଦାନନ୍ଦ ପ୍ରଧାନ ସମସ୍ତଙ୍କୁ ଧନ୍ୟବାଦ ଦେଇଥିଲେ ।

Share this
  •  
  •  
  •  
  •  
  •  
  •  
  •  

Related Posts

ଘାଟିରେ ଟ୍ରକ ଅଟକାଇ ଡ୍ରାଇଭର ଓ ଶିକ୍ଷକଙ୍କୁ…

Udaya_Labanya | February 8, 2023 | 4 views |0

ବାଲିଗୁଡା,(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଅନ୍ତର୍ଗତ ପରମପାଙ୍ଗା ଘାଟିରେ କେତେକ ଦୁର୍ବୁତ୍ତ ବୁଧବାର ସନ୍ଧ୍ୟାରେ 59ନଂ. ଜାତୀୟ ରାଜପଥରେ କାଠ ଗଣ୍ଡି ପକାଇ ଏକ ଟ୍ରକ କୁ ଅଟକାଇବା ସହ ଡ୍ରାଇଭର ଓ ସେଥିରେ ବସିଥିବା ଜଣେ…

ପତ୍ରକାର ବନ୍ଧୁମାନଙ୍କ ଚିନ୍ତନ ବୈଠକ ଓ ବନ୍ଧୁ…

Udaya_Labanya | February 8, 2023 | 12 views | 0

ଫୁଲବାଣୀ :-( ସୁନୀଲ ପଟନାୟକ )କନ୍ଧମାଳ ଜିଲ୍ଲା ଫୁଲବାଣୀ ସ୍ଥିତ ଇକୋ ରିଟ୍ରେଟ ଠାରେ ପତ୍ରକାର ବନ୍ଧୁମାନଙ୍କ ଚିନ୍ତନ ବୈଠକ ଓ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା lଏହି ଅବସର ରେ ବରିଷ୍ଠ ସାମ୍ବାଦିକ ତଥା ସାମାଜ ସେବୀ ଅଶୋକ…

Leave a Reply

Your email address will not be published. Required fields are marked *

Archives

Categories