ଅଙ୍ଗନୱାଡି କେନ୍ଦ୍ର ଗୃହ ନିର୍ମାଣ ରେ ବ୍ୟାପକ ଦୁର୍ନୀତି ଅଭିଯୋଗ

ଫୁଲବାଣୀ ( ସୁନୀଲ ପଟନାୟକ )
ଅଙ୍ଗନୱାଡି କେନ୍ଦ୍ର ଗୃହ ନିର୍ମାଣ ରେ ଦୁର୍ନୀତିର ଗନ୍ଧ l ପୁରୁଣା ମାଟି ଇଟା ଏବଂ ଅନାମଧେୟ କମ୍ପାନୀ ର ସିମେଣ୍ଟ ବ୍ୟବହାର ଓ କମ ସିମେଣ୍ଟ ଆଉ ଅଧିକା ବାଲି ମିଶ୍ରଣ ରେ ହେଉଛି କାନ୍ଥ ଯୋଡ଼େଇ l ଏହିଭଳି ଦୃଶ୍ୟ ଦେଖିବାକୁ ମିଳିଛି ବାଲିଗୁଡା ଏନ. ଏ. ସି ର ଛଅ ନମ୍ବର ୱାର୍ଡ ର ବଡ଼ସାହି ଅଙ୍ଗନବାଡି କେନ୍ଦ୍ରରେ ଯାହାକୁ ନେଇ ଗ୍ରାମବାସୀ ତଥା ଦୁର୍ନୀତି ବିରୋଧୀ ମଞ୍ଚ ତୀବ୍ର ବିରୋଧ କରିଛି l କାମ ବେଳେ କୌଣସି ଯନ୍ତ୍ରୀ ଓ ସରକାରୀ ଅଧିକାରୀ ଉପସ୍ଥିତ ନରହିବା କାରଣରୁ ଠିକାଦାର ମନଇଛା ନିମ୍ନ ମାନର କାମ କରୁଥିବା ଅଭିଯୋଗ ହେଉଛି l ଠିକାଦାର ଏବଂ ବିଭାଗୀୟ ଯନ୍ତ୍ରୀ ଙ୍କ ମଧୁଚନ୍ଦ୍ରିକା ଯୋଗୁଁ ଠିକାଦାର ବିଲପାଇ ମାଲାମାଲ ହେଉଛି l ଏହାର ଭିଜିଲାନ୍ସ ତଦନ୍ତ ପାଇଁ ଆଞ୍ଚଳିକ ଦୁର୍ନୀତି ବିରୋଧୀ ଯୁବ ମଞ୍ଚର ସମ୍ପାଦକ ଶୁକଦେବ ନାୟକ ଗ୍ରାମ୍ୟ କମିଟି ଉପ ସଭାପତି ଶିବରାମ ପ୍ରଧାନୀ ସମେତ ଗ୍ରାମବାସୀ ଦାବୀ କରିଛନ୍ତି l
ତେବେ ବିଭାଗୀୟ ଅଧିକାରୀ ଓ ଯନ୍ତ୍ରୀ ଏଥିପ୍ରତି ଦ୍ରୁଷ୍ଟି ଦେଇ କାର୍ଯ୍ୟାନୁଷ୍ଠାନ ଗ୍ରହଣ କରିବା ଜରୁରୀ l