ପ୍ରଧାନମନ୍ତ୍ରୀ ଆବାସ ଦୁର୍ନୀତି ନେଇ ଆଠଗଡ ବ୍ଲକ ଘେରିଲା ବିଜେପି, ବିଜେପି କର୍ମୀ ପୋଲିସ ଠେଲାପେଲା

ଆଠଗଡ (ଉଲ୍ଲାପ୍ର )ଆଠଗଡ ରେ ପ୍ରଧାନମନ୍ତ୍ରୀ ଆବାସ ଦୁର୍ନୀତି ନେଇ ଆଠଗଡ ବ୍ଲକ ଘେରିଛି ବିଜେପି, ବିଜେପି ନେତା ବ୍ରଜେନ୍ଦ୍ର ରାୟଙ୍କ ନେତୃତ୍ୱରେ ଆଠଗଡ ବିଜେପି କାର୍ଯ୍ୟାଳୟ ଠାରୁ ଏକ ଶୋଭାଯାତ୍ରା ବାହାରି ସହର ପରିକ୍ରମା କରିବା ପରେ ଆଠଗଡ ବ୍ଲକ କାର୍ଯ୍ୟାଳୟ ଆଗରେ ପହଞ୍ଚି ଥିଲେ ବିଜେପି କର୍ମୀମାନେ, ସେଠାରେ ପୋଲିସ ବ୍ଲକ ଗେଟକୁ ବନ୍ଦ କରିଦେଇଥିବା ବେଳେ ବିଜେପି କର୍ମୀମାନେ ଧସେଇ ପଶିଥିଲେ ବ୍ଲକ ଭିତରକୁ, ଏହାପରେ ଆଠଗଡ ଡ଼ିଏସପି ବିଜୟ ବିଶି ଓ ପୋଲିସ ଫୋର୍ସ ମାନଙ୍କ ସହିତ ବ୍ଲକ କାର୍ଯ୍ୟାଳୟ କୁ ଧସେଇ ପଶିବାକୁ କର୍ମୀ ମାନେ ଉଦ୍ୟମ କରୁଥିବା ବେଳେ କିଛି ସମୟ ପାଇଁ ଠେଲା ପେଲା ହୋଇଥିଲା, ଏହାପରେ ବିଜେପି କର୍ମୀମାନେ ବ୍ଲକ କାର୍ଯ୍ୟାଳୟ ଆଗରେ ବିଧାୟକ ରାଜା ସ୍ୱାଇଁ ଙ୍କ ବିରୁଦ୍ଧରେ ବର୍ଷିଥିଲେ, ଏହି ବ୍ଲକ ଘେରାଉ

କାର୍ଯ୍ୟକ୍ରମ ରେ ଆଠଗଡ ବିଜେପି ପ୍ରଭାରୀ ଜ୍ଞାନେନ୍ଦ୍ର ସ୍ୱାଇଁ ଯୋଗଦେଇ ରାଜ୍ୟ ସରକାର ଦଳୀୟ ଲୋକଙ୍କୁ ଆବାସ ଘର ପ୍ରଦାନ କରୁଥିବା ବେଳେ ସାଧାରଣ ଲୋକ ଏଥିରୁ ବଞ୍ଚିତ ହେଉଥିବା ଅଭିଯୋଗ କରିଛନ୍ତି, ଏଥିରେ ବିଜେପି ଜିଲ୍ଲା ସମ୍ପାଦକ ରାମ ନାରାୟଣ ମହାନ୍ତି, ଜିଲ୍ଲା କୃଷକ ସଙ୍ଘ ସଭାପତି ଶଙ୍କର୍ଷଣ ମହାନ୍ତି, ଜଗଦାନନ୍ଦ ତ୍ରିପାଠୀ, ପ୍ରକାଶ ସେଠି, ଡ ହରିହର ସାହୁ ପ୍ରମୁଖ ଯୋଗଦେଇ ଥିଲେ, ବିଜେପି ନେତା ବିଚିତ୍ରା ନନ୍ଦ ଜେନାଙ୍କ ସଭାପତିତ୍ୱ ରେ ଅନୁଷ୍ଠିତ ଘେରାଉ କାର୍ଯ୍ୟକ୍ରମ ରେ ଆଠଗଡ ନିର୍ବାଚନ ମଣ୍ଡଳୀର ବହୁ ବିଜେପି ନେତା ଓ କର୍ମୀ ଯୋଗଦେଇ ଆଠଗଡ ବିଡ଼ିଓଙ୍କୁ ଏକ ଦାବିପତ୍ର ପ୍ରଦାନ କରିଥିଲେ,