ଗୋଷ୍ଠୀ ସହଭାଗିତାର ଉତ୍ସବ ପାଳନ ଅବସରରେ ଢେଙ୍କାନାଳ ପୌରାଞ୍ଚଳରେ ସେବା କାର୍ଯ୍ୟରତ କର୍ମୀଙ୍କୁ ସାଇକେଲ ପ୍ରଦାନ

ଢେଙ୍କାନାଳ(ଉଲ୍ଲାପ୍ର )ଗୋଷ୍ଠୀ ସହଭାଗିତାର ଉତ୍ସବ ପାଳନ ଅବସରରେ ଲୋକସେବା ଭବନ ଠାରେ ଆଜି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ସହରାଞ୍ଚଳରେ କାର୍ଯ୍ୟରତ ସ୍ବଚ୍ଛକର୍ମୀ , ସ୍ଵଚ୍ଛସାଥ୍ , ଜଳସାଥୀ , ଆହାର କର୍ମୀ ଏବଂ ସୁପରଭାଇଜରମାନଙ୍କୁ ସାଇକେଲ ପ୍ରଦାନ ଶୁଭାରମ୍ଭ କରିଛନ୍ତି । ଏହି ଉପଲକ୍ଷେ ଆଜି ସ୍ଥାନୀୟ ପୁରୁଣା ଜିଲ୍ଲା ପରିଷଦ ସଭାଗୃହ ଠାରେ ପୌରପାଳିକା ପକ୍ଷରୁ ଆୟୋଜିତ ଉତ୍ସବରେ , ଢେଙ୍କାନାଳ ପୌରାଞ୍ଚଳରେ କାର୍ଯ୍ୟରତ ୭୯ ଜଣ ସ୍ବଚ୍ଛକର୍ମୀ , ସ୍ବଚ୍ଛ ସାଥ୍ , ଜଳସାଥୀ , ଆହାର କର୍ମୀ ଏବଂ ସୁପର ଭାଇଜରମାନଙ୍କୁ ସାଇକେଲ ପ୍ରଦାନ କରାଯାଇଛି । ବିଭିନ୍ନ ସେବା କାର୍ଯ୍ୟରେ ଲିପ୍ତ ଏହି କର୍ମୀମାନେ ସାଇକେଲ ପାଇଥିବାରୁ ସେମାନଙ୍କ ସମୟ ଅପଚୟ ନ ହେବା ସହିତ କାର୍ଯ୍ୟଦକ୍ଷତା ବୃଦ୍ଧି ପାଇବ ବୋଲି ମୁଖ୍ୟ ଅତିଥ୍ ପୌର ପରିଷଦର ଅଧ୍ୟକ୍ଷା ଶ୍ରୀମତୀ ଜୟନ୍ତୀ ପାତ୍ର ପ୍ରକାଶ ମତ ବ୍ୟକ୍ତ କରିଛନ୍ତି । ଆଗାମୀ ଦିନରେ ସେମାନଙ୍କୁ ଅଧିକ ସୁବିଧା ଓ ସୁଯୋଗ ଦିଆଯିବ ବୋଲି ସେ ପ୍ରକାଶ କରିଛନ୍ତି । ରାଜ୍ୟ ସରକାରଙ୍କ ଏହି ଅଭିନବ ପ୍ରୟାସକୁ ପୌର ପରିଷଦର ଉପାଧ୍ୟକ୍ଷ ଶ୍ରୀ ପ୍ରକାଶ ଚନ୍ଦ୍ର କୁଅଁର ପ୍ରଶଂସା କରି କର୍ମୀମାନଙ୍କୁ ଉତ୍ସାହିତ କରିଥିଲେ । ଏହି ଉତ୍ସବରେ ମାନ୍ୟବର ସାଂସଦ ଏବଂ ବିଧାୟକଙ୍କ ପ୍ରତିନିଧ୍ , ସମସ୍ତ କାଉନସିଲର ଏବଂ ଢେଙ୍କାନାଳ ପୌରାଞ୍ଚଳରେ କାର୍ଯ୍ୟରତ ସମସ୍ତ ସ୍ଵଚ୍ଛକର୍ମୀ , ସ୍ଵଚ୍ଛସାଥ୍ , ଜଳସାଥୀ , ଆହାର କର୍ମୀ , ସୁପର ଭାଇଜର ଏବଂ ଗଣମାଧ୍ୟମର ପ୍ରତିନିଧିମାନେ ଉପସ୍ଥିତ ଥିଲେ ।